Info sport

Ka dështuar dje mbledhja e donatorëve të Tiranës, e cila do të zgjidhte presidentin e ri të klubit. Mungesa e donatorit Nuri (jashtë shtetit, në Australi) ka bërë që katërshja të mblidhet vetëm sot për të dhënë piketat për sezonin e ri. Sipas vendimit të marrë javën e kaluar, Tirana do të drejtohet me rotacion nga një president i zgjedhur nga katërshja e donatorëve, i cili do qëndrojë në atë post për një vit.

17) 03.22.1967, Tiranë
Shqipëri-Bullgari 2-0
18) 07.11.1973, Tiranë
Shqipëri-Kinë 1-1
19) 10.10.1976, Tiranë
Shqipëri-Algjeri 3-0
20) 03.28.1985, Tiranë
Shqipëri-Turqi 0-0
21) 08.06.1988, Berat
Shqipëri-Kubë 0-0
22) 09.20.1988, Kostanca
Rumani-Shqipëri 3-0
23) 09.05.1990, Patra
Greqi-Shqipëri 1-0
24) 09.04.1991, Athinë
Greqi-Shqipëri 0-2
25) 01.29.1992, Tiranë
Shqipëri-Greqi 1-0
26) 05.14.1994, Tetovë
Maqedoni-Shqipëri 5-1
27) 08.16.1995, Valeta
Malta-Shqipëri 2-1
28) 11.30.1995, Tiranë
Shqipëri-Bosnjë 2-0
29) 04.24.1996, Zenika
Bosnjë-Shqipëri 0-0
30) 08.14.1996, Marousi
Greqi-Shqipëri 2-1
31) 01.21.1998, Antalia
Turqi-Shqipëri 1-4
32) 02.06.1998, Valeta
Maltë-Shqipëri 1-1
33) 02.08.1998, Valeta
Gjeorgji-Shqipëri 3-0
34) 02.10.1998, Valeta
Shqipëri-Letoni 2-2
35) 08.19.1998, Nikosia
Qipro-Shqipëri 3-2
36) 02.10.1999, Tiranë
Shqipëri-Maqedoni 2-0
37) 02.06.2000, Valeta
Shqipëri-Andorë 3-0
38) 02.08.2000, Valeta
Shqipëri-Azerbajxhan 1-0
39) 02.10.2000, Valeta
Shqipëri-Maltë 1-0
40) 04.26.2000, Prilep
Maqedoni-Shqipëri 1-0
41) 08.15.2000, Tiranë
Shqipëri-Qipro 0-0
42) 11.15.2000, Tiranë
Shqipëri-Maltë 3-0
43) 01.05.2002, Manama
Maqedoni-Shqipëri 0-0
44) 01.07.2002, Manama
Shqipëri-Finlandë 1-1
45) 01.10.2002, Manama
Shqipëri-Bahrein 0-3
46) 02.13.2002, Hesperange
Luksemburg-Shqipëri 0-0
47) 03.13.2002, San Diego
Meksikë-Shqipëri 4-0
48) 03.27.2002, Tiranë
Shqipëri-Azerbajxhan1-0
49) 04.17.2002, Andorë
Andorë-Shqipëri 2-0
50) 02.12.2003, Norçia
Shqipëri-Vietnam 5-0
51) 04.30.2003, Sofje
Bullgari-Shqipëri 2-0
52) 08-20-2003, Prilep
Maqedoni-Shqipëri 3-1
53) 10.11.2003, Lisbonë
Portugali-Shqipëri 5-3
54) 11.15.2003, Tiranë
Shqipëri-Estoni 2-0
55) 02.18.2004, Tiranë
Shqipëri-Suedi 2-1
56) 03.31.2004, Tiranë
Shqipëri-Islandë 2-1
57) 04.28.2004, Talin
Estoni-Shqipëri 1-1
58) 08.18.2004, Nikosia
Qipro-Shqipëri 2-1
59) 29.05.2005, Szczecin
Poloni-Shqipëri 1-0
60) 17.080.2005, Tiranë
Shqipëri-Azerbajxhan2-1
61) 22.03.2006, Tiranë
Shqipëri-Gjeorgji 0-0
62) 01.03.2006, Tiranë
Shqipëri-Lituani 1-2
63) 16.08.2006, Seravale
San Marino-Shqipëri 0-3
64) 07.02.2007, Shkodër
Shqipëri-Maqedoni 0-1
65) 25.05.2007, Burnli
Anglia B-Shqipëri 3-1
66) 22.08.2007, Tiranë
Shqipëri-Maltë 3-0

Agim Canaj duket se do të jetë trajneri i ri i Vllaznisë, duke zëvendësuar në këtë mënyrë malazezin Dervish Haxhiosmanoviç. Në fakt, nuk bëhet fjalë për një thashethem, por për një konfirmim të ardhur nga vetë goja e presidentit të klubit shkodran Valter Fushaj. Ky i fundit ka deklaruar haptazi dje se do të jetë ish-trajneri i Dinamos ai që do të drejtojë ekipin në fazën përgatitore që Agim Canaj duket se do të jetë trajneri i ri i Vllaznisë, duke zëvendësuar në këtë mënyrë malazezin Dervish Haxhiosmanoviç. Në fakt, nuk bëhet fjalë për një thashethem, por për një konfirmim të ardhur nga vetë goja e presidentit të klubit shkodran Valter Fushaj. Ky i fundit ka deklaruar haptazi dje se do të jetë ish-trajneri i Dinamos ai që do të drejtojë ekipin në fazën përgatitore që
pritet të bëhet në muajin qershor. Vllaznia do të marrë pjesë në Kupën UEFA dhe Canaj pritet të jetë tekniku që do ta udhëheqë këtë skuadër në këtë kompeticion. "Canaj është kandidati i vetëm që ne kemi për trajner në këto momente", kanë qenë fjalët e Fushajt ditën e djeshme. Agim Canaj u largua para tre muajve nga Dinamo, duke e lënë skuadrën në vendin e parë në klasifikimin e Superligës. Humbja 1-0 me Partizanin i kushtoi postin teknikut, i cili mendohej ta shpallte Dinamon kampione të vendit. Një gjë e tillë më pas, i takoi Ilir Dajës, i cili ishte trajner për 11 ndeshjet e fundit.

‘Loriku do ulte në stol Makelelen’

Mesfushori kuqezi, Lorik Cana, do të luante në “Euro 2008” sikur në vend të përfaqësueses së Shqipërisë të kishte zgjedhur Francën. Kështu mendon Agim Cana, babai i kapitenit të Olimpik Marsejës. “Është më se e sigurt se Loriku do të luante në këtë kampionat evropian, sikur në vend të Shqipërisë të kishte zgjedhur Francën. Para se të vendoste të përfaqësonte Shqipërinë, ai kishte oferta edhe nga Franca. Loriku do të luante titullar për Francën jo vetëm në këtë evropian, por edhe në kampionatin botëror që dy vite më parë u zhvillua në Gjermani”, ka thënë Agim Cana, për të përditshmen kosovare “Koha Ditore”. 24-vjeçari Lorik Cana zakonisht luan në rolin e mesfushorit difensiv, ndërsa së fundi te Marseja është aktivizuar edhe si mbrojtës i qendrës. Mesfushorë shkatërrues te Franca në Euro 2008 aktivizohen Zheremi Toulalan dhe Kod Makelele. Toulalan luan me kampionët e Francës, Lionin, ndërsa 35-vjeçari Makelele për Çelsin. Franca nuk është duke kaluar mirë në këtë evropian. Ka barazuar pa gola me Rumaninë në takimin e parë, ndërsa humbi 4-1 nga Holanda në ndeshjen e dytë. “Loriku është më i mirë se Toulalan e Makelele së bashku. Nëse do të ishte në konkurrencë me këta dy futbollistë sigurisht do të ishte zgjidhja e parë”, ka theksuar Agim Cana, i cili është njëkohësisht edhe menaxheri i djalit të tij. Lorik Cana ka lindur në Prishtinë, ndërsa tri vite më parë mori nënshtetësinë franceze. Ai është i pajisur edhe me pasaportë shqiptare dhe zvicerane. Gjashtë vite më parë, Cana vendosi të përfaqësojë Shqipërinë në arenën ndërkombëtare. “Gjashtë vite më parë trajner i Shpresave të Francës ishte Rajmond Domenek, që tani është trajneri i përfaqësueses A transalpine. Ai këmbënguli gjatë që Lorik Cana të zgjidhë Francën, por dëshira e djalit tim ishte të përfaqësonte ngjyrat kuqezi e për këtë nuk jemi penduar as ai e as unë. Nëse do të pranonte ofertën e Domenekut, tani sigurisht do të luante rregullisht për Francën”, thotë Agimi. Olimpik Marseja, kapiten i së cilës është Cana, vlerësohet skuadra më e suksesshme franceze. Tetë herë është shpallur kampione e Francës, ndërsa 10 herë ka fituar kupën e këtij vendi. Është klubi i vetëm francez që ka fituar Ligën e Kampionëve (1993). Cana te Marseja u transferua në vitin 2005 nga skuadra tjetër e njohur franceze, Paris SG. Për këtë ekip ai luajti nga viti 2000. Karrierën e tij e ka nisur te Luzerna në Zvicër.


Arritjet
Lorik Cana konsiderohet si një ndër mesfushorët më të mirë në rolin e tij në kampionatin francez. Aktualisht ai është në shënjestrën e klubeve të mëdha evropiane si Arsenal, Bajern, Roma, Everton dhe Napoli. Mesfushori 24-vjeçar i Kombëtares shqiptare është kapiteni i skuadrës së Marsejës.

Ndihma
Babai i Canës është një ndër futbollistët shqiptarë më të njohur të viteve ‘80-të. Ai ka ndikuar shumë në formimin e të birit si futbollist dhe Loriku gjithnjë e përmend këtë fakt. “Babai më ka dhënë një ndihmë shumë të madhe. Nëse sot karakterizohem për grintën në fushën e lojës, i detyrohem atij, sepse gjithnjë ka kërkuar që unë të jap maksimumin në çdo ndeshje”, është shprehur Cana.

Volej, Shqipëria jashtë Evropës

E treta e vërteta. Por nuk ndodhi vërtetë kështu për Kombëtaren shqiptare të volejbollit për femra. Skuadra e drejtuar nga teknikët Adrian Gorenxa dhe Hasan Gurabardhi i kanë dhënë fund dje aventurës evropiane në Opava të Çekisë. Në ndeshjen e tretë dhe të fundit të vlefshme për turin e dytë eliminator të kampionatit evropian (Grupi B), Shqipëria humbi me rezultatin e pastër 3-0 (25-14, 25-21, 25-24) ndaj përfaqësueses së Republikës Çeke. Ky rezultat nuk i ka mjaftuar formacionit kuqezi për të besuar për një vend të dytë në grup dhe për një biletë për në turin e tretë, të cilën ia mori po dje në Opava Kombëtarja e Sllovenisë. Përfaqësuesja shqiptare e volejbollit e nisi si mos më keq takimin e djeshëm me kryesueset e grupit, pasi mundi të shënonte vetëm 14 pikë, kundrejt 25 të çekeve. Por ndryshe nga seti i parë, te dy setet e tjerat Shqipëria e vuri jo pak herë në vështirësi Republikën Çeke, mirëpo vetëm kaq, pasi në fund ishin sërish ato që përsëritën suksesin e radhës, duke vulosur edhe shifrat 3-0. Në përballjen tjetër të Grupit B, sllovenet fituan 3-1 ndaj përfaqësueses moldave. Ndërkohë sipas sekretarit të përgjithshëm të Federatës Shqiptare të Volejbollit, Leonard Tase, kombëtarja e femrave do të mbërrijë sot në kryeqytet në orët e vona të mbrëmjes. Kështu kombëtarja e drejtuar nga trajnerët Ardian Gorenxa e Hasan Gurabardhi fitoi në dy takimet e para me Moldavinë (3-1) dhe Slloveninë (3-1). Ndërsa në xhiron e parë për turin e dytë eliminator të kampionatit evropian të zhvilluar në Maribor të Sllovenisë, Shqipëria ka mundur të fitojë vetëm një ndeshje nga tri takimet e para të zhvilluara, 3-1 me Moldavinë, ndërsa ndaj kombëtares sllovene dhe asaj çeke humbi me rezultatin 3-0. Si përfundim, ekipi ynë u rendit i treti në grup.

Kievo kërkon shkëmbim Bogdani-Frik

Kievo është në bisedime me Sienën për një shkëmbim të mundshëm mes Erjon Bogdanit dhe Mario Frik. Ky i fundit kërkon që të largohet nga bardhezinjtë për shkak të mosmarrëveshjeve që ka me stafin drejtues, ndërkaq edhe Kievo kërkon që të reduktojë shpenzimet, duke evituar të paguajë shumën prej 950 mijë eurosh në sezon, pasi kaq është rroga e bomberit shqiptar. Tratativat mes klubeve i ka pohuar vetë drejtori sportiv i Kievos, Xhovani Sartori, i cili për të përditshmen italiane “L’Arena”, ka thënë se është në bisedime me bardhezinjtë për një rokadë të tillë. Bogdani ka kujtime të bukura te Siena, pasi arriti të shënonte gjatë dy sezoneve 18 gola me klubin toskan dhe një rikthim i tij është i realizueshëm. Megjithatë, nëse trajneri i ardhshëm i Sienës do të jetë Berreta, atëherë bisedimet komplikohen së tepërmi, sepse marrëdhëniet mes sulmuesit dhe teknikut italian nuk kanë qenë ndër më të mirat, madje Berreta ishte një nga shkaqet kryesore që shtynë Bogdanin të largohej nga Siena, për shkak se tekniku nuk e aktivizonte rregullisht bomberin.


“Unë nuk di gjë”
I kontaktuar nga “Panorama Sport”, sulmuesi i Kombëtares ka thënë se nuk është në dijeni të këtyre bisedimeve, pasi asnjë nga drejtuesit e klubit të Kievos nuk e ka njoftuar futbollistin për një transferim të mundshëm te Siena. “Nuk kam dëgjuar për një lëvizje të tillë nga ana e klubit dhe nuk mund të them asgjë”, ka thënë Bogdani.

Klaus Seferi, në gjurmët e Igli Tares. Sulmuesi i talentuar tiranas, i formuar në Akademinë e Romës, e drejtuar nga një kampion i madh i Botës, si Bruno Konti, është duke u testuar te Breshia, aty ku është aktivizuar edhe ish-kapiteni i Shqipërisë, Igli Tare. Breshia ndodhet në Serinë B dhe drejtohet nga një trajner karizmatik si Serse Kozme, i cili vlerësohet si një Arsen Venger i Italisë, për nuhatjen e tij për talentet. Sulmuesi shqiptar 18-vjeçar i Peruxhias, sipas medias lokale italiane i ka të gjitha cilësitë për qenë pjesë e projektit “Kozmi” për Breshian e sezonit 2008-2009. Klaus Seferi ka lindur në vitin 1990 në Tiranë, është 180 cm i gjatë dhe luan në rolin e një qendërsulmuesi.

Renis Mehja, tjetër talent te Partizani

Është vetëm 17 vjeç dhe shihet si një nga talentet më premtuese në Akademinë e Partizanit. Quhet Renis Mehja, i datëlindjes 30 nëntor 1990 dhe luan në rolin e sulmuesit. Ata që drejtojnë ekipin U19 të të kuqve thonë se në të ardhmen do të bëhet një lojtar i madh, gjë që shihet edhe nga shifrat e tij deri më tani. E nisi futbollin që në moshën 8 vjeçare me trajnerin Irfan Bujari, ndërsa 14 vjeç u paraqit në Akademinë e Partizanit, ku menjëherë u bë pjesë e skuadrës U17. Cilësia e Mehjas nuk vonon të dalë në pah dhe në ndeshjen e 23 prillit 2007 kundër Besës, arrin të realizojë golin e tij të parë me fanelën e kuqe. Me Partizanin shpallen kampionë për 17 vjeçarët dhe Mehja qe padyshim një nga heronjtë e këtij ekipi me 7 golat e tij. Këtë sezon erdhi edhe kapërcimi, duke kaluar me skuadrën U19, me trajner Marko Pelinxhin. Shënon që në ndeshjen e parë, atë kundër Teutës, duke iu lënë të gjithëve të kuptohet se e ardhmja është për të. Në klubin e kuq tashmë e tregojnë me gisht dhe thonë se shumë shpejt do të jetë në ekipin e parë. Një histori që përsëritet, duke parë që shumë prej lojtarëve aktualë të Partizanit vijnë pikërisht nga kjo Akademi.

Lika e Sukaj presin Fushajn

Lojtarët kanë kërkesa nga jashtë, por kontrata me klubin shkodran i pengon lëvizjen


Dy emrat më të lakuar për të lëvizur nga ekipi shkodran, kanë qenë dyshja e 20-vjeçarëve, Gilman Lika e Xhevahir Sukaj. Që të dy kërkohen nga ekipe jashtë kampionatit shqiptar. Për to ka një interesim prej ekipit të Sionit të Zvicrës, ndërsa në rastin e Sukajt është i interesuar edhe ekipi i Koblencit të Gjermanisë. Këta dy futbollistë kërkohen prej kohësh, por për të ardhmen e tyre ende nuk mësohet asgjë. Për të dhënë verdiktin e fundit për këto kalime duhet të pritet ardhja e presidentit Valter Fushaj në Shqipëri. Sipas burimeve, ekipi i Sionit ka shprehur gatishmëri për t’iu përgjigjur edhe klubit shkodran me kërkesat që mund të ketë. Nga sa mësohet, klubi kuqeblu ka kërkuar një shifër prej 150 mijë eurosh për Likën që ta lërë të lirë. Mesfushorit Lika, që ka edhe një kontratë me shkodranët për dy sezone të tjerë, është një ndër lojtarët që ka kontribuar shumë për këtë ekip gjatë sezonit të kaluar. Një paraqitje e tillë i ka mbushur mendjen teknikut të ekipit tonë përfaqësues për ta pasur në listën e tij. Megjithatë, pavarësisht asaj që kërkon klubi shkodran, vetë futbollisti bën të ditur se ekipi i Sionit është më se i gatshëm të japë vlerën prej 100 mijë eurosh për të. Një shumë kjo që pritet të pranohet nga ana e presidentit kuqeblu, i cili i ka siguruar mbështetje lojtarit, në rast transferimi jashtë Shqipërisë. Ndërkohë që në rastin e Sukajt gjërat duket se ndryshojnë. Ky i fundit ka një kontratë me kuqeblutë deri pas përfundimit të kompeticionit evropian. Por në rast se ai do të largohet para zhvillimit të takimeve të Kupës UEFA, atëherë do të jetë i detyruar të paguajë një shumë prej 40 mijë eurosh. Të dy lojtarët në këtë transfertë kanë si menaxher ish-lojtarin e Vllaznisë dhe të ekipit tonë kombëtar, Rudi Vata. Është pikërisht Vata ai që duket se ka marrë përsipër menaxhimin e futbollistëve shkodranë jashtë Shqipërisë, pasi e ka bërë edhe me mbrojtësin 18-vjeçar Semina.

Futboll: Salihi, nesër në Bullgari

Sulmuesi shqiptar, Hamdi Salihi, duhet te mberrije ne Bullgari neser, per t’u takuar me shefat e CSKA-se. Menjehere pas kesaj u perhapen fjale, se Salihi nuk do ta pranoje oferten e bere nga klubi CSKA. “Nuk eshte e vertete. Djaloshi do te vije, per te biseduar. Eshte normale ai te pres, qe te na japin licence per kampionatin e brendshem. Por kjo nuk do te thote, se ai ka hequr dore nga ne”, u shprehen nga CSKA-ja, kampionia bullgare, qe, per shkak te borxheve, nuk do marre pjese ne Champions.

“Shqipëria 2008” vlen më shumë se 34 milionë euro

Mesatarët ? Një sërë lojtarësh të përfaqësueses nuk e kalojnë vlerën e kartonin mbi 1 mln e 500 mijë euro. Lojtarët që luajnë në Ukrainë shkon deri te 1 milionëshi, ndërkohë që diçka më shumë Skela dhe Lala në kampionatin gjerman. Rreth kësaj shfire vërtitet edhe Kapllani. Salihi ka pasur një rritje të ngjitshme nga viti i shkuar dhe tani sipas faqes gjermane vlera e kartonit i ka shkuar të paktën 850 mijë euro.

Kuota 0 – Tre futbollsitë të përfaqësueses shqiptare janë në kutoën zero përsa i përket kartonit. Jo se nuk vlejnë, por kjo shifër vjen nga fakti i thjeshtë që kontratat e tyre tanimë kanë përfunduar. Hidi, Lila dhe Vrapi mund të firmosin me kë skuadër të dëshirojnë dhe klubi që do të përfitojë shërbimin e tyre nuk do të ketë asnjë dëmshpërblim për të paguar kundrejt klubit tjetër.

Pa karton? – Tre futbollsitët e Partizanit nuk kanë një vlerë reale të kartnit të tyre pasi klubi i Partizanit nuk ka deklaruar zyrtarisht se sa kërkon nga ata. Por presidenti Xhani ka thënë shpesh që do të paktën 600 mijë euro nga klubi që do të marrë Bakajn duhet të derdhë 600 mijë euro në arkat e klubit të kuq, por nuk ka dhenë një shifër për lojtarët e tjerë si Shkëmbi dhe Dhëmbi. Të tre futbollsitët e kuq që luajnë me përfaqësuesen zyrtarisht kanë edhe 2 vitë të tjera kontratë me skuadrën e Partizanit.

Greqia largohet e poshteruar nga Euro 2008

Greqia i ka dhënë lamtumirën finaleve të Kampionatit Evropian EURO 2008 pas humbjes së 0-1 me Rusinë. Skuadra ruse që në fillim nisi një lojë më të mirë se ajo greke. Ka qenë edhe Zyrianov i cili në minutën...
Ka qenë edhe Zyrianov i cili në minutën e 35-të, duke përfituar nga një gabim i mbrojtësit grek Nikopolodis arriti të shënojë golin e fitores për skuadrën e tij.

Pjesa e dytë nisi me një epërsi në sulm të skuadrës greke, por lojtarët rus, me një mbrojtje mjaft të mirë, arritën të thyejnë sulmet e kundërshtarëve. Pas këtij rezultati, kampionia e Evropës për vitin 2004 Greqia i dha lamtumirën EURO 2008-s, ndërsa skuadra ruse shpreson çerekfinalen pas ndeshjes së fundit.

Ndeshjet e fundit në grup do të zhvillohen ditën e mërkurë me datë 18 Qershor midis Greqisë dhe Spanjës, dhe Rusisë dhe Zvicrës

Hollanda e pandalshme

Hollanda është kualifikuar për në çerekfinalet e kampionatit evropian të futbollit, EURO 2008 pas fitores së thellë ndaj Francës 4-1. Ndeshja u zhvillua mbrëmjen e shkuar në Bernë të Zvicrës. Ndeshja tjetër në Grupin C ishte ajo mes Italisë e Rumanisë që përfundoi barazim 1-1.
Dje u zhvilluan ndeshjet e dyta të Grupit D, ku në Insbruk Suedia humbi 2:1 me Spanjën, kurse Rusia dergoi ne shtepi "kampionen" ne fuqi Greqinë në Salzburg të Austrisë.(

Luiz Felipe Skolari largohet nga skuadra e Portugalise, per t’iu drejtuar Londres, por reputacioni dhje krenaria e tij per ate qe beri ne pese vjet qendrimi ne futbollin portugez, moren nje goditje jo te vogel. Me statusin e favorites, skuadra e drejtuar nga Skolari, largohet perpara kohe nga finalet e evropianit, pasi humbi ne cerekfinale me Gjermanine 2:3. Tekniku brazilian pohoi se kishte deshtuar ne skemen mbrojtese te skuadres se tij, nje shkak ky i largimit te parakohshem te Portugalise, nga ky turne evropiane. Por si arsye justidikuese per kete zhgenjim perdoret dhe veprimi jo korrekt i kapitenit te Gjermanise, Ballak ne golin e trete, qe i shpetoi syrit te gjyqtarit suedez, Fjordfeld. “Nuk me pelqen te them se Gjermania fitoi permes kesaj “dhurate”, por sekuencat e perseritura televizive treguan se Ballak, shtyu me duar Paulo Ferreiren, nenvizoi Skolari. Per fat te keq kete veprim jot e rregullt te Ballak gjyqtari nuk e pa. Nuk e di nese ky episode ndryshoi kahun e lojes. Ne mund te kishim humbur dhe 1:2, por di se ne rritem presionin dhe ky gol jo i rregullt erdhi ne momentin kur kundershtari po ndjente veshtiresi”. Skolari nuk e fshehu pakenaqesine per komentin e Flik, teknikut qe zevendesoi Lev te pezulluar. “Nuk dua te mendoj me per episodet e kesaj loje, ne fituam 3:2 dhe gjithcka ka perfunduar. Ishte apo nuk ishte faull ne veprimin e Ballak kjo eshte nje ceshtje e mbyllur tani”, theksoi Flik. Por ne lojen e Portugalise, ka dhe gabime te tjera qe kushtezuan dhe rezultatin zhgenjyes: deshtoi Paulo Ferreira ne mbulimin e Shvainstager ne golin e pare, gaboi portjeri Rikardo dhe dy mbrojtesit e qendres ne golin e dyte dhe. Gaboi perseri Rikarod dhe ne golin e trete”. “Cfrae ishte e gabuar?. Ne situate e topave te vdekur mbrojtja jone evidentoi gabime”, nenvizoi Skolari. Mbyllet nje kapitull per teknikun brazilian, ajo e drejtimit pese vjecar te Portugalise, fillon nje e re me Celesin ne Stamford Brixh. Por kete skenar kalimi stafete, Skolari nuk e kishte menduar.

Gjysemfinalet e U 19 për Bundesliga me dy shqiptarë

Në gjysemfinalet e U 19 për Bundesliga, ketë edicion do marrin pjese dy shqiptarë. Kampioni i Gjermanisë për U 17 në vitin 2006 me VfB Stuttgart, tetovari Shaban Ismajli i cili në dimer u grumbullua në zborin e Kombetares . Ai me ekipin e vet, pësoj humbje si vendas nga VfL Wolfsburg me rezultatin 1:2.Kurse, futbollisti nga Presheva Shqiperon Bektashi ( SC Freiburg U 19 ) fitoj 3:1 kundër 1 FC Köln dhe ishte pjesmarres ne te tri golat si asistent. Sulmuesi 17 vjeqar është një nder me te talentuarit në Gjermani.Mirpo, per arsye administrative akoma nuk ka marrë shtetesine gjermane dhe nuk mundte inkuadrohet ne U17 ose U 18 të Gjermanise. Do ishte një rast i mirë që Shqiperia mos te lëshoj këtë supertalent.Pasi familja qe 5 vite pushimet i kalon në Golem, ku edhe aty posedojne një shtepi.

Ndeshjet e kthimit do zhillohen me 15 qershor. Vellau i Shqiperonit, Edmondi ka luajtur për U 19 të Freiburgut dhe pas nje lëndimi ka pauzuar dhe vitin e ardheshem do luaj për ekipin e ri të Regionalliga Nord, Altona 93.

Shala për tre vite ne Dundee United

Andis Shala, i biri Kujtim Shales ka nënshkruar një kontrate trevjecare me ekipin skoceze FC Dundee United. Ish lojtari i U 19 te SV Hannover 96, këtë edicion për 9 ndeshje ka lujatur për VfR Mannheim, ekip ku luan Arijan Berisha ish lojtari Partizanit te Tiranes. Shala ne dimer ka pasur oferta te kaloj në Blackburn Rovers.Mirpo, në mungese te shtetsise gjermane nuk ka ardhur deri te transferimi. Shala ne mars ka marrë shtetsinë gjermane dhe oferta e FC Dundee United ka qene me e mira, thotë I ati i tij- Kujtimi. Ndeshja e parë e Andisit për FC Dundee United me 26 korrik, do jete ajo kundër FC Barcelona.

Rama ne Bundesliga 2

Valdet Rama I VfL Wolfsburg 2 për dy vite ka nënshkruar kontrate për ekipin e ri të Bundesliga 2, FC Ingolstadt. Ne ekipin e qytetit të AUDI-se ka luajtur deri ne dimer ish-lojtari i Dinamos se Tiranes, Armando Zani ( Regensburg ).

Shkumbini, sot miqësore me Velezhin e Strugës

SHKUMBINI – Skuadra peqinase vazhdon përgatitjet në Strugë të Maqedonisë. Shkumbini të shtunën do të luajë një ndeshje kundër Velezhit të Strugës, një skuadër e kategorisë së dytë maqedonase. Në program është edhe një ndeshje testuese me Tiranën, që dhe ajo ndodhet në Maqedoni, por në Ohër. Shkumbini është në pritje të portierit Ervin Llani, i cili është duke u testuar në një skuadër të kategorisë së dytë greke.

Zbardhet Lushnja e sezonit 2008-2009

LUSHNJA- Skuadra lushnjare zyrtarizoi kontratat. Vëllezërit Gersi e Polizoi Arbëri firmosën edhe për një vit. Edhe mbrojtësi Enik Dhima firmosi për sezonin 2008-2009. Një tjetër firmën është ajo e mbrojtësit të ri, Hekuran Korreshi. Të ardhur janë edhe Sekseri (Skrapari), E.Çela (Laçi) Ndoni (Shkumbini), K.Arbëri (i lirë).

Memelli: Me Tiranën për titullin e Kupën

Migen Memelli nisi stërvitjen e parë me 23-herë kampionët, me të cilët do të luajë si i huazuar për një vit e gjysmë. Sulmuesi i njohur ishte në qendër të gazetave sportive.

“Gjetëm mirëkuptimin me presidentin Halili, me të cilin dua të theksoj se kam biseduar vetëm për 15 minuta dhe gjithçka e kemi mbyllur në mirëkuptim të plotë”, - thotë sulmuesi 28-vjeçar për “Sport Ekspres”, i cili më parë është aktivizuar në Shqipëri me Skënderbeun, Teutën, Elbasanin e Laçin, duke shënuar në total 39 gola. “Personalisht do të bëj të pamundurën të fitojmë me Tiranën titullin kampion dhe Kupën e Shqipërisë”

“Jam stërvitur si ‘kafshë’ në Suedi, duke pasur parasysh se trajneri nuk më aktivizonte dhe isha i detyruar që të mos i lija gjë mangët përgatitjes sime”, - u shpreh ish-sulmuesi i Gaisit për “Sportin Shqiptar”. “Nuk diskutohet që me Danielin (Xhafën) do të shënojmë shumë gola. Ia njoh mirë lojën dhe do të më pëlqente të ishte ai ‘pykë” e parë, e unë pas tij. Nëse riaftësohet shpejt dhe Muka, besoj se do të formonim një ‘tredhëmbësh’ fantastik për Tiranën”,.

“Objektivat e mia janë të njëjta me ato të Tiranës. Pra të dalim kampionë. Për këtë ekip kanë milituar vazhdimisht lojtarë cilësorë. Kam shumë besim se skuadra ime do të jetë në majën e futbollit në sezonin e ri”, - citohet ish-sulmuesi i Bran Bergenit në Norvegji për “Metropol Sport”.

Nallbani-Bejzade me Partizanin në Kupën UEFA

Portieri i Tiranës, Blendi Nallbani dhe sulmuesi i Elbasanit, Skerdi Bejzade, do të jenë pjesë e Partizanit në ndeshjet e Kupës UEFA kundër boshnjakëve të Shiroki Brijeg, ndeshje që do të luhen më 17 dhe 31 korrik 2008. Partizani i bën kështu një “mbulim” të fortë katërkëndësisht të kuq të lënë bosh nga largimi i Orges Shehit (ende pa një ekip).

Për 38-vjeçarin Nallbani (lojtari më i moshuar në Superligë), është rikthim i tretë te Partizani. Blendi fillimet e tij si futbollist i ka te të kuqtë në vitin 1987, madje dhe debutimin e tij zyrtar në kampionatin maksimal shqiptar, e ka po me Partizanin (17 shtator 1990). Nallbani, i cili ka dhe një eksperiencë të shkurtër në Rumani me Dinamon e Bukureshtit e Bistricën, njihet për reflekset e tij në portë.

Edhe për sulmuesin Skerdi Bejzade, fillimet sportive të cilit kanë rënjë te Dinamo (1991-1993), bëhet fjalë për një rikthim te Partizani, për të cilin ka luajtur një sezon në sezonin 2003-2004. Ish-lojtari i Vllaznisë e Elbasanit, ka gjithashtu një eksperiencë ndërkombëtare në Gjermani me Arminia Hanover. 33-vjeçari njihet për potencën e grintën e tij në veprimet sulmuese.

Partizani i dha fund përgatitjeve në Pogradec, ku qëndroi gati dy javë dhe sot do të kthehet në Tiranë, ndërkohë që bëhet e ditur se është anuluar miqësorja me Peqinin.

Flamurtari, faza përgatitore në Mavrovë

Flamurtari zë vendin e Dinamos. Skuadra vlonjate do të udhëtojë sot në drejtim të Maqedonisë, ku do të kryejë fazën përgatitore për rreth dy javë në Mavrovë, vendi ideal i klubeve shqiptare.

Trajneri kroat Sllavko Kovaçiç ka përzgjedhur një listë me 25 futbollistë.

Te Flamurtari janë disa lojtarë me dëmtime: Mema, Rustemi, Malja, Veliaj e Guga. Futbollisti i fundit që pritet të bashkohet me kuqezinjtë është mesfushori Ilirjan Çaushaj, i cili është ende pjesë e Dinamos në listën e Ligës së Kampioneve.

Sipas klubit vlonjate, mesfushori i talentuar përmetar, i cili në pjesën e dytë të sezonit të kaluar u aktivizua me Teutën (1 gol) ka rënë parimisht dakord për të veshur fanellën e Flamurtarit. Sezonin e kaluar, skuadra vlonjate e kreu fazën përgatitore në Leçe të Italisë.

Hasanbelliu: “Teuta do të rikthehet në elitë”

Teuta do të rikthehet më e fortë se kurrë duke pretenduar të jetë në elitën e futbollit shqiptar. Paralajmërimi vjen nga drejtuesit durrsakë, që janë të bindur se kanë një arme plus me rikthimin e trajnerit Sulejman Starova, nën drejtimin e të cilit, "djemtë e detit" dy vite më parë u shpallën nënkampione të vendit.

Për televizionin prestigjioz Vizion Plus, presidenti i Teutës, Emdond Hasanbelliu tha: “Starova dihet që është një nga trajnerët më të mirë. Ka punuar parvjet me Teutën dhe ne dolëm në vendin e dytë. Dolëm më sukses, kështu që dëshiruam ta kthenim prapë në skuadër. Skuadra këtë vit do të jetë më e fortë dhe do të jetë në elitën e ekipeve shqiptare”. Por ndërkohë Teuta, deri në këto momente nuk është në listën e skuadrave që janë paraqitur agresive në merkaton e verës, duke pasur një vonesë të madhe në kompletimin e skuadrës. Për më tepër nga ekipi janë larguar pothuajse gjysma e lojtarëve, pas paraqitjes së dobët në sezonin që sapo lamë pas.

“Pothuajse gjysmën e skuadrës e kemi larguar, - vazhdon Hasanbelliu, - për arsye se ajo dështoi vitin që kaloi duke rrezikuar dhe rënien nga kategoria. Do të marrim nga jashtë lojtarë cilësorë. Akoma s’kemi firmosur me ndonjë lojtar, por në provë janë disa lojtarë nga Kosova, Kroacia, Maqedonia, Mali i Zi e nga Bosnja”. Vitin e kaluar Teuta u rendit në vend të 9-të, duke u detyruar të zhvillonte edhe ndeshjen playout me Burrelin per të qëndruar në Superligë.

Halili: “Slishkoviç, trajner i madh”. Kroati: “Unë tifozi nr.1 i Tiranës”


“Besoj se me trajnerin nuk kemi gabuar. Dua t’u garantoj se sezoni futbollistik i Tiranës do të përfundojë më këtë trajner, çfarëdo rezultati që do të ketë Slishkoviç me Tiranën”. Ky ishte qëndrimi zyrtar i presidentit të radhës së 23-herë kampionëve të Shqipërisë, Refik Halili, gjatë prezantimit zyrtar të trajnerit të ri të bardhebluve, boshnjako-kroatit Bllazh Slishkoviç në një nga restorantet me luksoze të kryeqytetit, “Austria”, pronë e donatores së Tiranës, Shefikat Ngjela, në praninë e një numri të madh të gazetarëve sportivë dhe medias elektronike.

NDJESË MEDIAS

“Ju kërkoj falje dhe ju gazetarëve që nuk kemi arritur t’iu japim një informacion shumë të saktë. Arsyeja ka qenë, se në momentin kur të dalë një informacion prej meje, apo edhe si klub, të jetë një informacion i saktë, dhe të mos bëjmë lëvizje mbrapa. Ju kërkoj ndjesë edhe për të gjithë këtë kohë, gjatë së cilës nuk kemi arritur të komunikojmë direkt”, - tha presidenti Refik Halili, i cili së bashku edhe me tre donatorët e tjerë, Shefikat Ngjela, Agron Papuli e Avni Nuri (të pranishëm në konferencë), nis sezonin e pestë futbollistik në krye të klubit më të pasur në Shqipëri.

SHUMË PUNË

“Është dashur një punë shumë, shumë e madhe për të arritur të formojmë ekipin e Tiranës. Në radhë të parë është dashur të caktohet trajneri. Pas emërimit të tij do të vazhdojë edhe puna për të përcaktuar se dhe kush do të jenë lojtarët e Tiranës, të cilët tifozeria jonë me zor i pret. Duam të jenë futbollistë që ia vlejnë, lojtarë që të na përfaqësojnë me dinjitet gjatë këtij kampionati”, - shtoi Halili, i cili gjatë presidencës së tij, synon rikthimin e shpejtë te titulli kampion i Tiranës, e cila sezonin e kaluar u rendit në vendin e gjashtë në kampionat, por humbi edhe për shkak të politikës së kontratave me shumë se gjysmën e ekipit.

TRAJNER I MADH

“Pas disa mbledhjeve të gjata me donatorët, kemi rënë dakord në përcaktimin e disa pikave thelbësore. Kemi arritur që të sjellim një trajner, një emër të madh në futboll, një trajner që meriton që të jetë trajner i Tiranës. Ne kemi biseduar gjatë me të, kemi përfunduar kontratën të shkruar edhe në shqip edhe në gjuhën angleze. Kemi mbaruar të gjitha detyrimet dhe trajneri pret të fillojë punë, që do të fillojë pasnesër (10 korrik), meqenëse bie e mërkurë dhe mbase dita e mërkurë mund të jetë një ogur i mirë”, - tha Halili. Trajneri Slishkoviç do të përfitojë 75 mijë euro në sezon, ndërkohë që në dorë ka marrë 1/3 e shumës së kontratës, pra 25 mijë euro. “Nuk kam pasur asnjë menaxher ndërmjetës për trajnerin, Kam arritur ta sjell përmes një lidhje bashkëpunimi që kam krijuar me presidentin e Dinamos së Zagrebit me ndërmjetësimin e ish-futbollistit Besnik Prenga”.

EKIP KAMPION

“I kemi vënë në dispozicion të trajnerit gjithë dokumentacionin e nevojshëm. Kemi bërë një konsultë të gjatë me trajnerin Sulejman Mema, të cilin gjej rastin ta falënderoj, me Indrit Fortuzin, Alban Tafaj, të cilët së bashku kanë punuar me dokumentacionin dhe hartimin e kontratave”, - tha Halili. Unë i premtoj gjithë tifozerisë së Tiranës se do të ndërtojmë një ekip të mirë. Kemi pasur vetëm dy futbollistë, janë larguar nga ekipi më shumë se 50 për qind e lojtarëve, por më në fund kemi arritur të përcaktojmë pak a shumë futbollistët e Tiranës. “Me këtë kontingjent që kemi në dispozicion unë mendoj se ne do të jemi pretendentë për titullin kampion, prandaj edhe kemi vendosur të marrim një trajner dhe një staf mjaft të madh”.

POLITIKË E RE

“Shtrirjet tona si klub do të shkojnë deri të grupmoshat, pasi po shohim se ekipi ynë nuk po furnizohet me lojtarë të rritur te ekipet e moshave, dhe prandaj ne detyrohemi të marrim futbollistë nga jashtë shtetit. Për seleksionim e lojtarëve në ekipet e moshave do të merret firma e pesë drejtuesve të trajnerëve, të cilët janë Sulejman Mema, zëvendëstrajneri (ndihmësi i Slishkoviçit), Indrit Fortuzi, Alban Tafaj e trajneri i portierëve, nga ekipi i parë e deri te ata të moshave”, -shpalli Halili projektin e ri klubit. “Për grup moshat, trajnerët e tyre do të paguhen nga klubi dhe jo më nga fëmijët. Deri në atë kohë do të bëjmë fushat e tyre. U kërkojmë grupmoshave, që nuk u jemi kushtuar shumë atyre, pasi jemi marrë më shumë me ekipin e parë”.

INVESTIME NË INFRASTRUKTURË

“Përsa i përket investimeve në infrastrukturë, që ne kemi bërë gjatë katër viteve mund t’ua vëmë në dispozicion edhe me pamje fotografike apo situacione punimesh. Fondi i dhënë nga Bashkia (e Tiranës) ka qenë rreth 290 milion lekë (të vjetra), me të cilat kemi bërë një fushë (75 x 100 metra). Kemi marrë edhe nga Federata (FSHF-ja), nga titujt e shumtë kampion që ka marrë Tirana gjatë katër sezoneve të kaluara, një shumë prej 100 mijë eurosh me të cilën kemi bërë fushën me përmasat 60 x 30 metra. Çdo investim të bërë në ambiente të tjera janë financuar nga donatorët, me paratë e xhepave të tyre. Në të ardhmen, së bashku edhe me donatorët e tjerë do të investojmë në tribunat anësore në stadiumin ‘Selman Stërmasi’, përfshirë edhe orën elektronike”, - dha premtimin e radhës Halili.

KARTA ANËTARËSIE

“Deri tani thuajse nuk kemi përfituar asgjë nga investimet tona. Tani kemi projektuar një politikë të re, që fillon nga kartat e anëtarasisë së tifozëve e deri te dhënia e të drejtës televizive. Po ju them vetëm një fakt që e kam thënë dikur për një gazetë. Për sezonin futbollistik 2006-2007 ne morëm nga biletat vetëm 11 milionë lekë të vjetra që është një turp shumë i madh. Kemi kërkuar dhe kemi bërë një kontratë me klubin e Tiranës, do të menaxhojmë vetë stadiumin. Pjesën tjetër do ta mbulojmë ne donatorët”.

KRENAR TË JEM TRAJNER I TIRANËS

“Fillimisht do të doja të përshëndesja gazetarët dhe të gjithë ju që jeni sallë. Kam shtatë ditë që jam në Tiranë dhe jam shumë i kënaqur me pritjen dhe i mahnitur me qytetin”, - tha trajneri i ri i Tiranës, Bllazh Slishkoviç, i cili ka qenë më parë në Shqipëri si lojtar i Velezhit në një ndeshje kundër Flamurtarit në vitet 1980. “Është krenari për mua të drejtoj ekipin e Tiranës. E di që kam ardhur te ekipi më i mirë, që ka më shumë tituj kampionë, dhe është ekipi më i mirë në Shqipëri. Qëllimet e klubit dhe presidentit janë që të bëhet sërish më i miri.

VLEËSIME PËR ISH-TRAJNERËT

“Detyrimet e mia janë edhe më të mëdha, që unë si trajner i ri i Tiranës t’i çoj më tutje, drejt rezultateve më të mira, ashtu siç i kanë arritur edhe ish-trajnerët e mëparshme të Tiranës. Besoj se do të justifikoj vlerësimin dhe besimin që më kanë dhënë presidenti dhe donatorët e klubit”, - tha “Baka”.

NJË VIT KONTRATË

“Megjithëse kam nënshkruar për një vit do të dëshiroja që të vazhdonim të punonim edhe vite te tjera së bashku. I kam parë kushtet e stërvitjes së klubit të Tiranës, dhe në përgjithësi jam i kënaqur. Njoh më shumë gojarisht edhe ekipin e Tiranës, lojtarët që e përbëjnë atë”, - tha Slishkoviç. “Kur erdhi Slishkoviç në Tiranë, - tha Halili, - ai erdhi për të nënshkruar një kontratë dyvjeçare. Dua t’u them se nuk është e lehtë për një të huaj që shkel për herë të parë në një vend të huaj. Slishkoviç pranoi të nëshkruante një kontratë njëvjeçare, duke shtuar se nëse do të bënte një punë të mirë do të kërkonte të nënshkruante edhe për disa vite tjera. Dua t’u garantoj se sezoni futbollistik i Tiranës do të përfundojë më këtë trajner, çfarëdo rezultati që do të ketë Slishkoviç me Tiranën”.

MEZI PRES TË FILLOJ

“Besoj se në 14-15 ditët e para do t’i njoh mirë lojtarët dhe do të kem një pamje të Tiranës më të mirë sesa sot. E di që presidenti dhe njerëzit e tjerë që merren me ekipin kanë bërë përforcimet e duhura, megjithatë atë unë kam kërkuar që pas dy javësh të fillojmë edhe përforcim thelbësor e kryesor në ekip. Mezi pres që të filloj të punoj, që kampionatin shqiptar ta nisim sa më mirë si ekip. Si mund të luajmë? Garantoj se do të luajmë bukur dhe fort, ashtu si ka luajtur Tirana edhe vite më parë, përpara se të vija unë. Do të luajmë me një theks sulmues..

UNË, TIFOZI NUMËR 1

“Në ekip do të mundohem që sa më shumë elementi i ri i dalë nga moshat e Tiranës të kenë hapësirë. Një gjë është e sigurt se bluzën e Tiranës do ta veshë ai që jep maksimumin në stërvitje dhe e meriton këtë bluzë që është shumë e rëndësishme. Që në momentin që kam nënshkruar kontratën jam tifozi më i madh i Tiranës dhe do të bëj gjithçka, që Tirana të fitojë”. Tifozeria e Tiranës është dhe lojtari i 12-të i bardhebluve e mësuar gjithmnonë me lojëra të bukura dhe me tituj, por edhe kontestuesja më e madhe e trajnerëve. “Jam në dijeni të tifozëve të Tiranës. Unë besoj se me lojën që do të bëjë ekipi, kritikat do të jenë të vogla dhe tifozeria do të jetë e kënaqur me mua. Futbolli luhet së pari për tifozët”.

“NUK KAM FRIKË”

Historia e trajnerëve të huaj të mëparshëm te Tirana është e trishtueshme. Asnjë prej tyre nuk e ka përfunduar sezonin. Por sa e ka marrë parasysh Slishkoviç këtë fakt. “Na vjen keq ne trajnerëve, por kjo është puna jonë. Rezultatet na bëjnë që të rrijmë apo të largohemi. Nëse do të kemi rezultate dhe ekipi do të shkojë shumë mirë do të ri. Megjithatë, unë jam i sigurt, se presidenti apo specialistët do ta kuptojnë se unë do të punoj mirë dhe në mënyrë profesionale, mund të them se edhe me rezultate jo të mira unë mund të qëndroj në punë. Nuk kam frikë nga puna”, - tha Slishkoviç.

NDIHMËSTRAJNER KROAT

Tirana nuk doli kampion sezonin e fundit dhe nuk merr pjesë në kompeticionet europiane. “Është një detyrë që më është vendosur mua për të mos ndodhur më. Besoj se kjo gjë nuk do të ndodhi”, bëri premtimin e tij Blazh Slishkoviç, i cili theksoi se ndihmën e parë të tij do ta marrë nga Kroacia. “Kam marrëdhënie shumë të mira me të, dhe kam punuar dy vite bashkë edhe te Hajduku i Splitit si ndihmëstrajner. Nga klubi do të kem një ndihmëstrajner shqiptar si dhe trajnerin e portierëve”. Te Tirana do të vazhdojë të jetë edhe përgatitësi atletik, italiani Stefano Neri. Alban Tafaj do të jetë në rolin e drejtorit teknik. “Një nga njerëzit që do të vazhdojë të bashkëpunojë ngushtë nga ekipi i par e deri te moshat do të jetë Sulejman Mema”, - iu përgjigj presidenti Halili interesimit të gazetarëve.



STËRVITJA NË MAQEDONI



Stërvitja e Tiranës do të fillojë, më 10 korrik. Pas një testimi një javor në Tiranë, më 17 korrik skuadra do të niset drejt Strugës në Maqedoni, ku fillimisht do të qëndrojë 12 ditë. Pas tre ditëve në Tiranë, ekipi bardheblu do të riniset sërish drejt Maqedonisë.

Xhani: Partizani barazoi e fitoi një portier]


Partizani arriti një barazim pa gola kundër Shiroki Brijeg (0-0) në ndeshjen e parë të turit të parë të Kupës UEFA.

PRESIDENTI - Bosi i Partizanit, Albert Xhani, përveç faktit se ekipit të tij iu mohua një gol në minutat e fundit, dha edhe një mendim për portierin e ri Edvan Bakaj: “Përveç rezultatit pozitiv që morëm në Bosnjë, - tha Xhani për “Sportin Shqiptar”, - jam i kënaqur edhe me faktin se Partizani ka fituar një portier, pasi i riu Edvan Bakaj bëri një paraqitje të shkëlqyer, duke e shpërblyer besimin e dhënë për të mbrojtur portën e skuadrës sonë”.

PORTIERI - Vetë Edvan Bakaj duke folur për “Panorama Sport” u shpreh me modesti: “Bëra thjesht detyrën”, ndërkohë që faqja zyrtare e UEFA-s, uefa.com e vlerësoi me nota të pozitive paraqitjen e tij.

MË I MIRI - Në vlerësimet e bëra nga media sportive boshnjake, përmes portalit abcportal.info, Bakaj u vlerësua me notën 6, ndërkohë që Ardit Beqiri(nota 7), u votua edhe si lojtari i ndeshjes.