INFO mbi shendetin

Informacione mbi zbulimet me te fundit dhe keshilla per trupin e njeriut

Ilaç i ri për kurimin e kancerit në prostatë


Prodhohet një ilaç i ri për kurimin e kancerit në prostatë. Në Britaninë e Madhe është eksperimentuar me sukses një medikament i ri kundër formës më agresive, vdekjeprurëse të kancerit në prostatë.

Quhet "abiraterone" dhe duket se është në gjendje të luftojë me sukses tumorin dhe të zgjasë për shumë vite jetën e pacientit. Medikamenti që ka qenë objekt i një studimi të publikuar në numrin e fundit të "Journal of Clinical Oncology", lufton kancerin duke bllokuar hormonet (para së gjithash testosteronin) që e ushqen. Mendohet se ilaçi do të tregtohet brenda 2-3 vjetësh në formë pilulash. Eksperimentet e kryera mbi "abiraterone" janë kryer në Londër, pranë "Institute of Cancer Research" dhe "Royal Marsden Hospital". Deri më tani janë marrë 250 pacientë si kavie dhe është parë se është dyfishuar niveli i jetëgjatësisë. Medikamenti duket se është në gjendje të ketë një impakt pozitiv në 80 % të rasteve. Forma më agresive dhe vdekjeprurëse e kancerit në prostatë, që në një vend si Britania e Madhe prek rreth 10 mijë burra çdo vit, zakonisht shkakton vdekjen e pacientit brenda 18 muajsh. Në vazhdën e suksesit të arritur mbi kancerin e prostatës, mjekët londinezë tashmë po eksperimentojnë "abiraterone" për trajtimin e kancerit të gjirit, me shpresën se medikamenti do të rezultojë sërish efikas.

Dielli dhe uji i ndotur, “armiqtë” e syve në verë


Dielli, uji me kripë dhe klor, kanë këta treshja "armike" e syve gjatë stinës së verës, që përkon me periudhën e plazhit.

AIDA MALAJ

Kontakti për një kohë të gjatë dhe pa kriter me rrezet e diellit, apo ujin e detit dhe të pishinave, mund të çojë në shfaqjen e sëmundjeve të syve. Në një intervistë për "Panorama", mjekja okuliste, Anila Monka, jep disa këshilla se si mund të parandalohen këto probleme dhe të kalohet një verë pa probleme:
Doktoreshë, cilët janë "armiqtë" e syve gjatë stinës së verës?
Rrezet e forta të diellit, uji i detit dhe pishinave, për personat që frekuentojnë pishinat dhe detin, nëse nuk tregohet kujdes, mund të shndërrohen në "armiq" të syve. Kjo shpjegohet me faktin se ndriçimi i lartë, ngacmon cipat e syrit, që manifestohet me lodhje, skuqje dhe tkurrje të syrit. Ndërsa kontakti me ujin, që shpesh është i ndotur nga mikroorganizma të ndryshme, ndikon në shfaqjen e disa sëmundjeve të syve. Të tilla përmendim blefaritet apo siç njihen infeksioni i rrënjës së qerpikëve, apo dhe infeksione që prekin cipën e jashtme të syrit.
Kur duhet t'i drejtohemi mjekut?
Nëse ndjeni shqetësime si djegie, kruarje të dyve, apo shtim të sklepave duhet të drejtoheni sa më parë te mjeku okulist për të bërë trajtimin e duhur të problemeve tuaja. Nëse më parë keni shfaqur probleme me infeksionin e syve, rekomandohet që përpara se të nisni sezonin e plazhit, të konsultoheni me mjekun specialist. Kjo masë duhet marrë, për të parandaluar kronicizimin e këtyre sëmundjeve që mund të prekin syrin.
Çfarë ndërlikimesh mund të shfaqin këto sëmundje?
Në fakt këto nuk janë sëmundje që ndikojnë në shikim, pra në dëmtimin e tij dhe nëse trajtohet në kohë, në fazën fillestare, kalojnë shumë lehtë. Por nëse nuk trajtohen në kohë dhe siç duhet, mund të bëhen kronike apo si në rastin e infeksionit të cipës së jashtme, të ndodh kalimi i infeksionit në korne (xhamin e syrit), gjë që do të kërkonte një trajtim më të gjatë. Veç kësaj, infeksionet janë ngjitëse, dhe kjo do të thotë se pacienti mund të përbëjë burim infektimi dhe për personat e tjerë që ndodhen rreth tij.
Si mund të parandalohen këto probleme?
Këshilla e parë është mbajtja e syzave të diellit me filtra mbrojtës UVB dhe UVA, në mënyrë që të shmanget sa më shumë kontakti i syve me rrezet e dëmshme të diellit. Shpesh në plazh, syri thahet dhe për këtë rekomandohet përdorimi i lotit artificial, që ndihmon për të njomur dhe ushqyer cipat e syrit. Kur shkoni në plazh apo në pishina, pasi dilni nga uji, rekomandohet të shpëlani sytë me ujë të pijshëm. Veç këtyre është mjaft e rëndësishme respektimi i një higjiene maksimale personale, sepse shpesh këto janë sëmundje ngjitëse, që transmetohen lehtë. Sigurisht që një këshillë mjaft e vlefshme është dhe mbajtja e kontakteve me mjekun specialist, me shfaqjen e shqetësimeve të para.

Këshilla për në plazh

përdorni lot artificial me pika në sy, për të njomur dhe ushqyer cipat e syrit
sapo dilni nga deti ose pishina shpëlani sytë me ujë të pijshëm
mbani një higjienë personale të lartë
mbani syze dielli me filtra UVB dhe UVA për t'i mbrojtur sytë nga irritimi
konsultë me mjekun okulist me shfaqjen e problemeve të para
konsultë me mjekun okulist, përpara se të nisni sezonin e plazhit, nëse keni shfaqur më parë të tilla probleme


Shenjat e alarmit

Blefaritet apo infeksionet e rrënjëve të qerpikëve shfaqen me skuqje, djegie, kruarje të bregut të kapakëve. Përveç kësaj mund të formohen disa copa lëkure që quhen skuama, të cilët kur bien marrin me vete qerpikë. Kjo bën që në fazat e avancuara mund të ndodhë dhe rënia e gjithë qerpikëve. Ndërsa infeksionet shfaqen me djegie dhe ndjesi të trupit të huaj në sy, si p.sh., rërë mes syrit dhe qepallës. Pacienti ka sy të skuqur, që lotojnë dhe shpesh ka mjaft sekrecione (sklepa). Në disa raste ndjejnë bezdi dhe dhimbje kur bien në kontakt me dritën. Nuk është e domosdoshme që simptomat të shfaqen njëherësh, mund të ndodhë që të shfaqet dhe disa prej tyre.

“Menyja ideale” për ditët e nxehta të verës


Regjimi ushqimor është mjaft i rëndësishëm për të mbajtur shëndetin e njeriut, por gjatë stinë së verës, kur temperaturat rriten në vlera maksimale, ushqimi shndërrohet në një mjet "mbrojtës" për parametrat jetik të organizmit.

Domatet, specat, kosi, peshku, manaferrat janë disa nga ushqimet "aleate" të shëndetit në verë. Në një intervistë për "Panorama", Blerina Bombaj, dietologe klinike, shpjegon se cila do të ishte një menu ideale për të përballuar ditët e nxehta në mënyrë të shëndetshme:
Sa i rëndësishëm është regjimi ushqimor në ruajtjen e shëndetit gjatë stinës së verës?
Me stinën e verës ndërron mënyra e ushqyerjes dhe shumë prej frutave dhe perimeve, karakteristike për stinën e verës, ndihmojnë organizmin të përballojë më mirë temperaturat e larta. Shumë nga ushqimet tipike të verës kanë efekte dobiprurëse për shëndetin. Kështu frutat dhe zarzavatet përmbajnë antioksidantë dhe fitonutrientë të tjerë që mund te ngadalësojnë plakjen, të mbrojnë nga kanceri dhe infarkti, të përmirësojnë hipertensionin, dhe të mbajnë një gjendje të përgjithshme të shëndetshme. Të tilla janë domatet, specat, kosi etj.
Ju përmendët domatet dhe specat, konkretisht si ndikojnë këto zarzavate në shëndetin e njeriut?
Domatet dhe specat janë mjaft të pasura me vitaminë A, vitaminë C dhe lycopene. P.sh. një domate mesatare ka pak sheqer dhe vetëm 35 kalori, por ofron 40% të vitaminës C dhe 20% të vitaminës A, që organizmi ka nevojë gjatë gjithë ditës. Domatet kanë edhe efekte dobiprurëse të tjera. Duke konsumuar një dietë të pasur në domate është treguar shkencërisht se ulet rreziku i kancerit të postatit dhe të disa llojeve të kancerit të aparatit tretës. Kjo për arsye se domatja dhe nënproduktet e saj janë të pasura në lycopene, një antioksidant i fuqishëm, i cili jep disa frutave dhe zarzavateve ngjyrën e tyre. Lycopene mund të parandalojë si dhe të kurojë disa lloje kanceri. Disa studime mbështesin se mund të ndihmojë parandalimin e oksidimit të kolesterolit të dëmshëm (LDL), i cili në këtë formë krijon pllakat dhe ngushtimin e arterieve, duke rritur rrezikun e infarktit të zemrës. Po ashtu dhe specat kanë gjithashtu antioksidantë, si beta karotene, i cili forcon sistemin imunitar dhe parandalon dëmtimin e qelizave të shkaktuar nga radikalet e lira (produkte të natyrshme të trupit, të cilat rriten shumë me duhanpirjen dhe vënë në rrezik integritetin e qelizave dhe të ADN-së). Studimet tregojnë se qelizat e dëmtuara mund të çojnë në zhvillimin e disa sëmundjeve si kanceri dhe sëmundjet e zemrës. Specat janë mjaft të pasura me vitaminë C. Vetëm një gjysmë kupe speca jeshilë, të verdhë apo të kuq kanë më shumë se 230% të sasisë së vitaminës C, që ka nevojë organizmi gjatë gjithë ditës.
Çfarë ushqimesh të tjera rekomandohen gjatë kësaj stine?
Po. Manaferrat dhe gjithë familja e tyre janë shumë të ushqyeshme, pasi janë mjaft të pasura në vitaminë C, duke ndihmuar kështu në forcimin e sistemit imunitar. Studime në botë kanë treguar se manaferrat janë të pasura në një substancë të quajtur acid "ellagic", i cili vepron si një antioksidant dhe ndihmon trupin të inaktivizojë faktorë kancerogjenë, si dhe ul riprodhimin e qelizave kanceroze. Duket se manaferrat ndihmojë dhe në parandalimin e infeksioneve të kanalit urinar.
Manaferrat janë gjithashtu një burim i mirë fibrash, gjë që ndihmon dhe në uljen e kolesterolit. Ushqim tjetër i shëndetshëm janë fasulet. Benefiti i konsumit të fasuleve të ndryshme është i padiskutueshëm dhe i gjerë si shumëllojshmëria e tyre. Të gjitha llojet e fasuleve janë burime të pasura fibrash, proteinash dhe hekuri. Duke zëvendësuar me fasule proteinat shtazore në një vakt, ulet sasia e kalorive, të yndyrnave të dëmshme dhe ofrohet zero kolesterol. Janë në mënyrë të veçantë të pasura në fibra të tretshme, çka ndihmon në nivelin e kolesterolit të gjakut.
Shumica e fasuleve janë një burim i mirë i acidit folik, i cili ndihmon për të mbajtur zemrën të fortë, është shumë i rëndësishëm për femrat që përgatiten për shtatzëni.
Ju përmendët kosin në mënyrë "ideale" për stinën e verës...
Po. Sipas studimeve të fundit, kosi mund të ndihmojë për rënien nga pesha. Përveç kësaj ofron rreth 30% të sasisë së kalciumit që nevojitet në ditë. Duket se kalciumi ndikon në uljen e prodhimit të disa hormoneve, duke çuar në uljen e prodhimit të dhjamit dhe rritje të djegies së tij. Përveç proteinave dhe kalciumit, kosi ka një përmbajtje të lartë në mikroorganizma probiotikë që luajnë rol mbrojtës për imunitetin, si dhe për aparatin tretës. Kosi mund të përbëjë një mikro-vakt, pasi mund të kombinohet me fruta, por dhe me zarzavate të freskëta. Forma jonë tradicionale dhe shumë e shëndetshëm është "taratori", i cili përmban nutrientë shumë të ushqyeshëm si pak vaj ulliri, hudhër, majdanoz ose kopër dhe kastravec.
Po peshku si ndikon?
Studime të ndryshme kanë vërtetuar se personat që konsumojnë 2 ose më shumë herë në javë peshk, rrezikojnë më pak për vdekje nga atak kardiak. Gjithë sekreti është të yndyrnat omega -3, të cilat e mbrojnë zemrën nga aritmi të rrezikshme. Gjithashtu shumë shkencëtarë mendojnë se rritja në masë e depresionit është për arsye të uljes drastike 100 vjetët e fundit të konsumit të omega -3, yndyrnave, që kanë rol mbrojtës për qelizat e trurit.
Proteina e peshkut pret oreksin dhe ndihmon në rritjen e masës muskulare. Veç kësaj, peshku ka shumë pak kolesterol dhe yndyrna të ngopura (të dëmshme).
Po përsa i përket lëngjeve?
Uji, ndoshta pjesa më e rëndësishme sidomos gjatë ditëve të nxehta. Nuk ka vlera ushqyese por është një katalizator i pjesës madhore të funksioneve të trupit duke përfshirë tretjen, metabolizmin dhe funksionin qelizor. Studimet tregojnë që ushqime të pasura në ujë si frutat, zarzavatet dhe supat ndihmojnë rënien në peshë pikërisht nga përmbajtja e lartë e ujit. Është e thjeshtë: uji rrit volumin e ushqimit dhe ul përmbajtjen në kalori. Trupi i një njeriu adult, përbëhet rreth 60 % nga ujë. Për të mbajtur ujin e trupit në nivelet e dëshiruara duhet të konsumohen minimalisht 1,5 litra për femrat dhe 2 litra për meshkujt në ditë. Në këtë mënyrë ulet rreziku për shfaqjen e kancerit të fshikëzës së urinës dhe të zorrës së trashë. Përveç ujit, rekomandohet një gotë çaj natyral (me bustinë), sidomos çaji jeshil. Kjo pasi çaji ka përmbajtje antioksidantësh, të cilët evitojnë trompozën e gjakut duke luajtur kështu rol mbrojtës nga sëmundjet e zemrës. Çaji gjithashtu ul rrezikun e kancerit dhe të artritit reumatik.

Këshilla

Ushqimet që duhen evituar në stinën e nxehtë të verës:
• Lëngjet shumë të ftohta, pasi pengojnë procesin e freskimit të trupit
• Pijet alkoolike, kafet e tepërta, lëngjet freskuese dhe të gazuara, si dhe pijet energjike
• Ushqimet me shumë yndyrë dhe ushqimet djegëse (pikante)
• Aktivitete fizike intensive në temperaturë të larta, sidomos në ditë me lagështi


rekomandime

Këshilla praktike për të bërë zgjedhje të shëndetshme:

Zëvendësoni: Bukën e bardhë me atë të zezë

Gjalpin dhe margarinën me vajin e ullirit

Mishin e kuq me mish pule, peshk ose fasule

Akulloren me kos, me fruta pa yndyrë

Picën me brumë picë të hollë, me domate-speca dhe pak parmixhano

Pijet e gazuara me lëngje frutash të freskëta, ose çaj natyral

Alkoolin me verë ose birrë

Patatinat me fara luledielli

Boronica e kuqe, “ e mirë” për infeksionet urinare


Boronica e kuqe, është një aleate e mirë për parandalimin e cistiteve (infeksioneve urinare) e shpeshta dhe për të përmirësuar terapinë me antibiotikë në rast se sëmundja është shfaqur.

Efektet dobiprurëse i atribuohen pranisë së proantocianidineve (PAC), një element specifik për boronicën, e cila pengon bakteret patogjene të dëmtojnë mukozën e rrugëve urinare, duke evituar në këtë mënyrë zhvillimin e infeksionit.
Cistiti është një patologji shumë e përhapur dhe është mjaft e lartë frekuenca të gratë, sidomos atyre që janë seksualisht aktive. Shkaku kryesor është një infeksion i tipit bakterial, por ndonjëherë, megjithëse më rrallë, mund të shkaktohet nga trauma, alergji apo situata të uljes së sistemit imunitar.
Terapia klasike përfshin marrjen e antibiotikëve, por studimi më i fundit ka treguar se një ndihmë e vlefshme mund të na vijë dhe nga natyra.

Këshilla për t’u mbrojtur në plazh nga infeksionet e lëkurës


Ndër shqetësimet më të shpeshta dhe më të përhapura që ndeshen në këtë periudhë, janë infeksionet e lëkurës. Uji i ndotur i detit apo pishinave, rëra e plazhit, shndërrohen në “burim” sëmundjeje për lëkurën. Në një intervistë për “Panorama” mjeku dermatolog, Selman Lirëza, shpjegon se çfarë rreziqesh mbart sëmundja dhe si mund të mbrohemi prej saj:
Doktor, është e vërtetë që gjatë stinës së verës, një nga shqetësimet më të shpeshta që shfaqen, janë infeksionet në lëkurë?
Infeksionet e lëkurës janë një grup patologjish që kanë një incidencë të shpeshtë dhe prekin një kontingjent të konsiderueshëm personash, gjatë stinës së verës. Plazhi është arsyeja kryesore e shfaqjes së këtyre patologjive. Kontakti i drejtpërdrejtë me faktorët shpërthyes: stafilokoku dhe streptokoku (mikrobe patogjenë), që ndodhen në ujin e detit dhe të pishinave apo rërë, shoqërohet me rritje të rrezikut për shfaqjen e këtyre problemeve me lëkurën. Pastaj sigurisht që sëmundja shfaqet atje ku gjen terren të përshtatshëm, që do të thotë se varet dhe sistemi imunitar, i cili dihet që gjatë verës, tenton të dobësohet dhe për pasojë preket më lehtë nga mikrobe të ndryshme, që qarkullojnë në mjedisin e jashtëm.
Ju thatë se faktor kryesor në shfaqjen e sëmundjes, është plazhi. Cilat do të ishin disa këshilla që mund të mbrohemi, tani që është dhe sezoni i plazhit?
Këshillat përkojnë me shmangien në maksimum të mikrobeve patogjenë që e shkaktojnë këtë grup sëmundjesh, pra stafilokok dhe streptokok, që mund të hasen kryesisht në rërën e ndotur dhe në ujin e pishinave, shezlong, etj. Prandaj rekomandohet që sapo të dilni nga uji i detit apo i pishinave, të shpëlani menjëherë trupin me ujë të pastër, të ëmbël. Po ashtu rekomandohet përdorimi i peshqirëve të plazhit, në mënyrë që të shmanget kontakti i drejtpërdrejtë i lëkurës me rërën apo shezlongët e plazhit. Pasi ekspozimi për një kohë të gjatë dhe i papërshtatshëm ndaj këtyre faktorëve, shoqërohet me rritje të rrezikut për shfaqjen e këtyre sëmundjeve të lëkurës. Është mjaft e rëndësishme që personat që kanë pasur probleme të tilla më parë, apo që kanë ndjeshmëri të lartë të lëkurës, rekomandohet që nëse kanë planifikuar të shkojnë në plazh, të konsultohen më parë me një mjek specialist. Në mënyrë që të shmanget ripërsëritja e sëmundjes, te personat e predispozuar.
Çfarë rreziku mund të shfaqet nga kjo sëmundje?
Së pari, rreziku qëndron në faktin se janë ngjitëse. Ato mund të transmetohen lehtë nëse nuk respektohen kushtet higjieno-sanitare, të tilla si përdorimi i të njëjtin peshqir, përdorimi i të njëjtave veshje, etj., dhe sigurisht nëse gjen terren të përshtatshëm për t’u shfaqur. Veç kësaj, mund të ndodhë që sëmundja të përhapët në trup dhe të japë komplikacione që kërkojnë trajtim më të gjatë dhe shenjat të bëhen më të rënda.
Kur duhet t’i drejtohemi mjekut?
Rekomandohet që te mjeku specialist duhet të drejtoheni menjëherë, sapo shfaqen elementët e parë të sëmundjes, në mënyrë që të parandalohet acarimi i sëmundjes dhe të shmanget kronicizimi i saj.
Nëse shfaqet çfarë rekomandohet për kurimin e tyre?
Mjekimi për këtë grup sëmundjesh është kompleks dhe individual, pasi varet sipas fazës së kapjes së sëmundjes. Kështu nëse kapet në fazën e parë, kur sapo janë shfaqur shenjat e para, mjekimi bëhet vetëm lokalisht. Por nëse gjendja është e agravuar, mjekimi shoqërohet dhe me antibiotikë. Gjithsesi është vetëm mjeku specialist ai që përcakton skemën e mjekimit.
A shërohet plotësisht?
Nëse kjo sëmundje kapet dhe trajtohet në kohë, mund të kurohet mjaft mirë brenda pak ditësh. Por nëse nuk shfaqen faktorët shpërthyes, atëherë sëmundja mund të rishfaqet, të riakutizohet dhe të kërkojë trajtim nga e para. Këto janë sëmundje që nuk lënë imunitet, prandaj duhet të tregohet një kujdes i vazhdueshëm, sepse mund të përsëritet.

bravo arbri gjera me vlereketo te lumte :lol!: :lol!:

po kot nuk jena per mjeksi mer

Shkencetaret thone se sipas nje studimi te ri, grate qe marrin rregullisht aspirine mund ta pakesojne rrezikun per t'u prekur nga kanceri ne gji.

Shkencetaret thone se sipas nje studimi me pjesemarrjen e rreth 3 mije grave nga New Yorku, rezultoi se ato gra qe merrnin aspirine ishin me pak te rrezikuara per te patur kancer ne gji se sa ato qe nuk merrnin aspirine.

Doktor Alfred Neugut eshte profesor i mjekesise ne Universitetin Columbia te New Yorkut dhe nje prej autoreve te studimit.

”Marrja e nje aspirine ne dite mendohet se pakeson rrezikun e kancerit te gjirit me rreth 25 per qind dhe se nje tip i vecante te kanceri te gjirit qe kushtezohet nga hormoni i estrogjenit.”

Doktor Neugut thote se aspirina duket se zhduk prodhimin e hormonit te estrogjenit ne gji. Estrogjeni eshte pjeserisht faktori qe shkakton 70 per qind te kancerit te gjirit.

Rreth nje ne tete gra amerikane preken nga kanceri i gjirit

Mjeket thone se nga perfundimet e studimit, nuk del se grate duhet te fillojne te marrin rregullisht aspirine, per arsye se nevojiten me teper kerkime lidhur me efektet anesore te aspirines. Por grate qe aktualisht marrin aspirine per semundje te tjera, mund te pakesojne edhe mundesine per te patur kancer ne gji.

Studjuesi Andrew Dannerberg thote se ky studim eshte i rendesishem edhe se ai shenon nje moment te rendesishem persa i perket parandalimit te kancerit te gjirit.

"Ne kardiologji, per shembull, tashme dihet se perdorimi i aspirines, qe eshte nje substance e cila lufton hipertensionin, ka efekte mbrojtese nga semundja e arterieve. Onkologjia eshte ndoshta 15-20 vjet prapa ne kete fushe. Por, mund te them se studimi ne fjale perben nje moment te rendesishem, per arsye se tregon qe mund te merren masa per parandalimin e kancerit, ne vend qe thjesht te qendrosh pasiv dhe te prekesh nga kjo semundje, thote studiuesi Dannenberg."

Infarkti


Me fjalën infarkt nënkupton vdekja e një organi për arsye të mungesës së Oksigjenit si pasojë e mungesës me furnizim me gjak (lat.Ishhemi). Në shumicën e rasteve ndodh infarkti si pasojë e bllokimit të pjesshëm ose të plotë të enëve të gjakut si pasojë e një tromboze ose embolie. Dallohen dy lloje të infarktit: Infarkti anemik (indi mbetet pa gjak ose ”infarkti i bardhë”) dhe Infarkti hemorragjik (indi përmbytet nga gjaku ose “infarkti i kuq”).

DIABETI


Diabeti ne mjekësi Diabetes mellitus (DM) (nga greq. διαβαίνειν „depertoj“ dhe lat. mellitus - "mjalte", në shqip njihet edhe si "sëmundja e sheqerit") është emërtimi për një grup sëmundjesh të shkëmbimit të lëndëve dhe përshkruan shenjat kryesore dhe prejardhjen e tyre si: jashtëqitja e sheqerit në urinë. Në gjuhën mjekësore është një përcaktim për trazime të ndryshme të shkëmbimit të lëndëve, shfaqja e të cilit është një sasi e tepërt sheqeri në gjak. Shkaku është ose në mangësinë e insulinës, një insulinë ndjeshmëri (insulinë rezistence) ose të dyja.


Komplikimet
Diabeti është çrregullimi i metabolizmit që reflektohet në paraqitjen e sasisë jonormale të glukozës në gjak, si pasojë e rezistencës së qelizave të gjakut ndaj insulinës, apo si pasojë e sasisë së vogël të insulinës së tajitur nga pankreasi. Janë dy gjendje që mund të shkaktohet nga diabeti i sheqerit (diabetes mellitus): hiperglikemia (niveli i lartë i glukozës) dhe hipoglikemia (niveli i ultë i glukozës).

Në rast se pacienti nuk e ka mbajtur nën kontroll nivelin e glukozës në gjak, pasojat mund të jenë të shumta:

1.Probleme me këmbët, gjegjësisht gangrena që shpie edhe deri te amputimi i këmbës,
2.Nefropati, gjegjësisht sëmundje të veshkës,
3.Probleme me shikim gjer në verbim të plotë,
4.Komplikime në sistemin kardiovaskular, duke rritur gjasat për zhvillim të sëmundjeve të zemrës apo infarkt, etj.

eh lum si ne qe te kemi ty se ka pas me rene poliomeliti

ehhhhhhhhhhh me prit arbri te behet doktorr ke vdek shtate here

ma hongshit te keqen me garuzhde ju ishalla mua

ej kujdes ju me temat mer edhe sidomos ti arbri

CA KE MERRRRRRRRRRRRRRRRR?????????????