Transferime (merkato)

David Silva drejt Mançester Junajdit


Edhe pse nuk është ndjerë, pasi është dashur të merrej më shumë me çështjen e zhurmshme të largimit të mundshëm të Kristiano Ronaldos drejt Realit të Madridit, Mançester Junajtid nuk ka ndenjur duarkryq në merkato. Tashmë është bërë e njohur se një nga lojtarët më të kërkuar të Valencias, David Silva, mund të jetë pjesë e Djajve të Kuq në sezonin e ardhshëm. Sër Ferguson është i gatshëm të investojë 25 milionë euro, por duhet të jetë i kujdesshëm përballë konkurrencës së Barcelonës e Romës.

Drogba nuk rinovon dhe pret Barçën

Televizioni pranë ambientit të Barcelonës "TV3", ka bërë me dije dje se Didier Drogba ka ngrirë përkohësisht rinovimin e kontratës me skuadrën e Çelsit për të verifikuar interesin e Barcelonës. Transferimi i tij do të ishte një shitje e imponuar e Samuel Eto‘o, i cili, gjithsesi, po paraqitet mirë në ndeshjet miqësore të para fillimit të sezonit. Ndërkohë që kalimi i Robinjos te Çelsi mund t‘u japë dritën jeshile tratativave, edhe pse Skolari nuk e shikon Eto‘o si një shkëmbim teknik për Drogba.

Presidenti i Marsejës: Dua 20 mln euro për Canën



Marseja kërkon 20 milionë euro për Lorik Canën, kështu që klubet që dëshirojnë të marrin shërbimet e mesfushorit shqiptar, duhet të paguajnë këtë shifër marramendëse për të blerë kartonin e tij.
Çmimin e kartonit e ka bërë të ditur dje për mediat franceze presidenti i Marsejës, Pape Diuf, i cili ka thënë se nuk ka aspak dëshirë të privohet nga kapiteni i skuadrës së tij, por nëse ndonjë klub këmbëngul për ta pasur shqiptarin në skuadër, atëherë duhet të derdhë në arkat e Marsejës 20 milionë euro. “Marseja synon të shkojë sa më larg këtë sezon dhe ne nuk kemi dëshirë të privohemi nga xhevahiret e skuadrës sonë, ndonëse, e theksoj edhe njëherë se, asnjë futbollist i Marsejës nuk është i pashitshëm, – është shprehur kreu i klubit marsejez. – Arsenali kërkon Canën? Arsen Venger e ka numrin tim të telefonit dhe nëse dëshiron të më bëjë ndonjë ofertë për lojtarin, atëherë mjafton të më telefonojë”. Kreu i klubit, më pas, ka bërë të ditur edhe çmimin e kartonit të Canës. “Sa vlen Lorik Cana? Numri është me dy shifra dhe me shumë zero nga pas. Shifra e parë është 2, ndërsa shifra tjetër është e arsyeshme. Besoj se ju mjafton kaq”, iu ka thënë Diuf gazetarëve francezë, duke lënë të kuptohet se kërkon 20 milionë për kartonin e yllit të përfaqësueses shqiptare. Presidenti i Marsejës ka saktësuar se nuk ka pasur oferta konkrete për mesfushorin 25-vjeçar gjatë kohëve të fundit, por ka konfirmuar ofertën e Evertonit: “Disa kohë më parë, një klub anglez ofroi diçka më shumë se 10 milionë euro për Canën, por kjo ishte shumë e ulët si ofertë dhe përgjigja jonë ishte e prerë. Që atëherë nuk kemi marrë ndonjë ofertë tjetër zyrtare nga ndonjë klub”. Evertoni i ofroi rreth 13 milionë euro Marsejës për kapitenin e saj, por klubi francez iu përgjigj negativisht duke e cilësuar si të ulët ofertën. Ndërkaq edhe Lorik Cana nuk kishte dëshirë të transferohej në këtë ekip, pasi pretendon një skuadër të nivelit të lartë, e cila minimalisht të marrë pjesë në Ligën e Kampioneve. Përveç Evertonit dhe Arsenalit, për mesfushorin e përfaqësueses shqiptare interesohen edhe Reali i Madridit, Roma, Napoli dhe Bajerni i Mynihut. E ardhmja e shqiptarit te Marseja duket gjithnjë e më e largët, madje vetë futbollisti bëri të qartë disa ditë më parë se nuk kishte ndërmend ta mbyllte karrierën te klubi francez, duke dalë haptazi se dëshiron të largohet. “Ka ardhur koha që të fitoj një trofe të rëndësishëm në karrierën time. Ky është sezoni im i katërt te Marseja dhe më vjen keq që nuk kam mundur të fitoj asgjë të rëndësishme deri tani. Kjo është një skuadër ku unë kam dashur të luaj që kur isha fëmijë, por kjo nuk do të thotë se do ta mbyll karrierën time këtu”, u shpreh Cana disa ditë më parë. Nëse Cana kalon te Arsenali, ai do të ishte futbollisti i dytë i Marsejës që transferohet këtë verë te “topçinjtë”, pas Samir Nasri, i cili kaloi te klubi londinez për 13 milionë paund.

Bolonja, ofertë zyrtare Bogdanit


Shtohet lista e skuadrave që interesohen për shërbimet e sulmuesit të Kombëtares shqiptare, Erjon Bogdani.

Media italiane ka bërë të ditur se orët e fundit, klubi i Bolonjës i ka bërë një ofertë zyrtare Kievos për bomberin kuqezi dhe tashmë kanë nisur bisedimet mes palëve. Kuqeblutë, të cilët sapo janë ngjitur në Serinë A, janë skuadra e pestë që kërkon të marrë sulmuesin shtatlartë, pas QPR-së së Briatores, Ipsuiç Toun, Torinos dhe Anorthosis. Ka qenë trajneri i Bolonjës ai që u ka kërkuar drejtuesve të klubit të hyjnë në bisedime me Kievon për të blerë Bogdanin. Sipas uebsajtit sportal.it, tekniku i kuqebluve, Daniele Arrigoni, e ka cilësuar si të pakompletuar repartin ofensiv. Deri para pak ditësh, menaxherët e Bolonjës ishin përqendruar tërësisht te Nikola Poci i Empolit dhe te David Di Mikele i Torinos, por çmimi i kartonit të këtyre dy futbollistëve është tepër i shtrenjtë, prandaj drejtuesit e skuadrës kanë vendosur ta hedhin vështrimin në alternativa të tjera më pak të kushtueshme dhe në krye të listës së re është sulmuesi i përfaqësueses shqiptare.

Këtë të shtunë (23 gusht), Andriy Shevchenko e ka kompletuar
rikthimin e tij në San Siro, pas dy sezoneve të dështuara te skuadra e
Chelseat. Analistët italianë kanë dhënë disa ide për dështimin e
ukrainasit te londinezët dhe për mundësinë e rikthimit t tij në formën
më të mirë te skuadra e cila e bëri të 'madh'.Gjatë kohës
sa qëndroi te Milan (1999-2006), Sheva shfaqi një formë të
jashtëzakonshme duke shënuar 173 gola, dhe duke fituar trofe të mëdha
me kuqezinjtë si edhe lëvdata personale. Gjatë kohës kur sulmuesi
ukrainas ishte lojtar i Milanit, kuqezinjtë fituan një Scudetto dhe
Ligën e Kampionëve. Ndërkohë Sheva dy herë ishte golashënuesi më i mirë
i Serie A, ndërsa në vitin 2004 e fitoi çmimin prestigjioz “Ballon
d’Or”.

Edhe pse ishte 30-vjeçar (2006), shumica e ekspertëve pritnin që
Sheva të vazhdojë me formën e tij të jashtëzakonshme edhe më tutje,
kështu që Blutë e Londrës bënë një lëvizje duke e blerë sulmuesin për
një vlerë prej 45 milionë eurosh. Mirëpo në Angli, Shevchenko ishte
veçse hija e lojtarit që kishte qenë te Milan, duke dështuar
krejtësisht gjatë kohës së qëndrimit në Stamford Bridge, me vetëm nëntë
gola të shënuar për dy sezone.

Dështimi i sulmuesit ukrainas në Angli mendohet se ishte për disa arsye. E para,
historia ka treguar se lojtarët nga Serie A nuk mund të përshtaten në
Ligën Premier për shkak të mënyrës shumë të ndryshme të lojës. E dyta,
mosha 30-vjeçare në kohën kur iu bashkëngjit Bluve ishte diçka e cila
nuk premtonte formë më të mirë, ndërkohë që shumica shkaktonin presion
te sulmuesi duke pritur që ai të shfaqte atë që kishte treguar te
Milan. Po të ishte transferuar Sheva në Angli nga mosha 22-vjeçare,
atëherë do të sihte një histori krejt tjetër e sulmuesit të spikatur. E treta,
ishte fakti se ai nuk mund të adaptohej me sistemin e lojës defensive
të Jose Mourinho. Te Milan ukrainasi ishte mësuar me një lojë të bazuar
në teknikën magjike të mesfushorëve të përsosur, Pirlo dhe Seedorf. Ai
po ashtu në sulm e kishte partner njeriun gol, sulmuesin e talentuar
Pippo Inzaghi.

Ndërsa këtë nuk e gjeti te Blutë, të cilët favorizonin muskujt në
raport me magjinë. Sistemi i Mourinhos (4-3-3) nuk ishte aspak i
përshtatshëm për sulmuesin e Milanit, sidomos për faktin që Didier
Drogba ishte personi më i qëlluar për të luajtur si qendërsulmues. Janë
këto disa nga arsyet të cilat bënë që njeriu i cili konsiderohej si
njëri nga sulmuesit më të mirë në botë të dështonte totalisht.

Pyetja është, nëse Shevchenko do ta rigjejë magjinë e dikurshme tani që
është kthyer te skuadra e cila e bëri të famshëm. Nëse dikush tjetër
nuk beson në këtë, trajneri i kuqezinjve, Carlo Ancelotti, është i
bindur se Sheva do të kthehet në formën e tij më të mirë. “Mendoj se do
të na shërbejë ngjashëm siç ka bërë gjatë kohës sa ka qenë te ne”, kanë
qenë fjalët e Ancelottit.

Kundër ukrainasit është mosha, muajin tjetër ai i mbush 32 vjet, po
ashtu edhe problemet e vazhdueshme me lëndime kanë bërë që ekspertët të
mendojnë se koha e tij ka kaluar. Sido që të jetë, Sheva është rikthyer
në një Ligë me lojë më të ngadalshme të bazuar më shumë në teknikë, si
edhe ai po rikthehet në një familje ku të gjithë e duan.
Te Milan ai mund ta rikthejë vetëbesimin e humbur te Chelsea. Në San
Siro do ta mbështesin të gjithë tifozët, ndërkohë që do të pranojë topa
nga futbollistët më kreativë në futbollin botëror, si Pirlo, Kaka,
Ronaldinho dhe Seedorf, kështu që nëse Sheva dështon në lojë me këtë
katërshe, atëherë nuk duhet ta fajësojë askënd përveç vetes. Është
plotësisht e kuptueshme se nuk do ta shohim Shevchenkon e kohës së tij
të artë, mirëpo njëkohësisht nuk do ta shohim as Shevchenkon e dështuar
të Chelseat.

Lorik Cana kerkokhet edhe nga Liverpool .mendohet te jet Zavendsim i mir per Alonson i cili sipas Gazetave te ndryshme mund te kaloj ne juvetus apo ne arsenal.
Ekipi liverpool paguan per Shqiptarin 10 milion euro..



O zooot ishalla Kalon ne liverpool.. D: