Transferime (merkato)

Shit-blerjet e yjeve te futbollit

Ditorja sportive franceze “L'Equipe”, ka shkruar sot se kapiteni i klubit francez Olympique Marseille, shqiptari Lorik Cana, është nën vëzhgim të afërt nga Real Madrid, që këtë verë mund të bëjë një hap drejt transferimit të shqiptarit.
Interesimi i ekipit spanjoll për lojtarin tjetër të Marseillet, Samir Nasri, tashmë është i njohur, por spekulimet se Real interesohet edhe për kosovarin, tashmë kanë filluar të dëshmohen të vërteta.
Cana, 24-vjeçar, para se të kalojë në Olimpique Marseille në vitin 2005, ishte pjesë e Paris Saint-Germain. Këtë sezon, pas largimit të Habibe Beye, Cana ka marrë edhe shiritin e kapitenit të ekipit.
Lojërat e mira të shqiptarit si në ligën franceze po ashtu edhe në Evropë, thuhet se kanë ra në sy të Real Madridit, megjithëse Cana më herët pati deklaruar se nuk do të ngutet të kalojë në ndonjë ekip tjetër.
“Jam shumë i kënaqur te Marseille. Qëllimi i secilit lojtar është të luftojë për Ligën e Kampionëve, por do të dëshiroja që këtë ta bëj me klubin aktual. Nëse klubi ia arrin mirë gjatë këtij sezoni, dhe vazhdon politikën e stabilitet dhe ambicieve, atëherë nuk shoh ndonjë arsye për t’u larguar”, pati thënë Cana pas fitores ndaj Lyonit, javë më parë.
Nëse Marseille arrin të përfundojë në mesin e tre ekipeve të cilat dërgojnë në Ligën e Kampionëve, shqiptari mbase mund të mbetet edhe më tej në Velodrome, edhe nëse Real merr një iniciativë konkrete, për të transferuar Canën

Ish-futbollisti dhe trajneri i Çelzit, Xhanluka Vialli, ka pohuar se njëri nga futbollistët më të mirë të klubit londinez, sulmuesi i Bregut të Fildishtë, Didie Drogba tashmë ka nënshkruar me njërin prej dy klubeve të Milanos.
"Kam dëgjuar nga burime të besueshme se Drogba ka nënshkruar kontratë me njërin klub nga Milano, i cili në fanellat e tij ka vija të zeza", ka theksuar Vialli për "La Gazzetta dello Sport". Ish-futbollisti i Sampdorisë, Juventusi dhe Çelzit nuk ka dashur të saktësojë se për cilin klub do të luajë Drogba në edicionin e ardhshëm, ngase të dy klubet milaneze, Milani dhe Interi kanë vija të zeza në fanellat e tyre. Mediat italiane parndjejnë se Drogba është më afër kalimit në Inter, sepse besohet se Milani është afër marrëveshjes me brazilianin e Barcelonës, Ronaldinjo dhe ukrainasin, Andrei Shevçenko

Pas bisedimeve që ministri shqiptar ka pasur të martën pasdite me drejtuesit e FIFA-s, është bindur që të nënshkruajë statutin e FSHF-së.
Neni 53
Palët kanë arritur një kompromis, vetëm pasi është rënë dakord që neni 53 i statutit të FSHF-së të ngrihet me një vendim të Komitetit Ekzekutiv të institucionit të futbollit, duke e bërë këtë pikë të pafuqishme edhe pasi statuti të jetë nënshkruar nga ministri dhe të jetë regjistruar në gjykatë. Pango ka thënë shpesh se neni 53 i statutit bie ndesh me ligjin shqiptar. “Jemi në dijeni të faktit që drejtuesit e MTKRS-së kanë biseduar me FIFA-n dhe dimë që është gjetur gjuha e përbashkët mes dy palëve që statuti të firmoset – ka thënë përgjegjësi i zyrës për shtyp në FSHF, Tritan Kokona. – Të dyja palët kanë rënë dakord që statuti të nënshkruhet, pasi Komiteti Ekzekutiv i FSHF-së të ngrijë nenin 53.
Takimi
Ndërkaq, dje në orën 09.00 të mëngjesit, sekretari i përgjithshëm i FSHF-së, Arben Bici, është takuar me ministrin Pango dhe kanë diskutuar në lidhje me situatën e krijuar në futboll. “Ne shpresojmë që të hiqet sa më shpejt pezullimi për Shqipërinë, sepse çdo ditë në këtë situatë është një humbje e madhe. Të mos harrojmë se ndeshja miqësore me Poloninë e programuar për në 27 maj është drejt dështimit dhe ky do të ishte një dëm i madh për Kombëtaren shqiptare, pasi këtë vit nuk ka zbritur asnjëherë në fushë. Kjo, jo vetëm që do t’i prishte punë edhe trajnerit Han, por njëkohësisht edhe kuqezinjve, të cilët do të rrezikonin ta nisin edicionin e ardhshëm të eliminatoreve të Botërorit 2010 pa kryer asnjë përgatitje”, ka thënë Kokona.
Pezullimi
Nëse statuti firmoset brenda kësaj jave, procedura për heqjen e pezullimit të Shqipërisë do të zgjasë vetëm pak ditë. “Heqja e pezullimit nga ndërkombëtarët nëse MTKRS përmbush kërkesat e FIFA-s, është çështje ditësh. Është një procedurë, e cila nuk zgjat shumë, pasi ajo mund të bëhet edhe me anë të një qarkoreje (vendim qarkullues) të organeve vendimmarrëse të këtyre organizatave”, ka sqaruar Kokona.

Romela Begaj ngriti flamurin shqiptar në Ligniano të Italisë, kur ngriti 101 kg në stilin e shkëputjes, duke vendosur edhe një rekord kombëtar, por duke zënë edhe një vend me normë të kualifikuar në Lojërat Olimpike “Pekin 2008”. Kampionia shqiptare ngriti në stilin e shtytjes 111 kg dhe me 212 kg zuri vendin e dytë në dygarësh, duke siguruar edhe një medalje argjendi dhe duke vendosur Shqipërinë në librin e artë të Kampionatit Evropian. Me vetëm 29 gramë më shumë se polakja Aleksandra Klejnovska, peshëngritësja jonë, Romela Begaj humbi medaljen e dytë të artë në Kampionatin Evropian, atë të dygarëshit. Të dy peshëngritëset Romela Begaj ashtu si dhe Aleksandra Klejnovska ngritën të njëjtën peshë 212 kg, për të lënë pas rumunen Roksana Kokos, e cila ngriti 209 kg. Polakja arriti të marrë medaljen e artë falë peshës trupore: 57,10 kg për Klejnovskën dhe 57,39 kg për Begaj. Në stilin e shkëputjes, Begaj ngriti 101 kg duke fituar edhe vendin e parë, përpara dy peshëngritësve polake, Marieta Gotfrid (94 kg) dhe Klejnovska (91 kg). Begaj la pas peshëngritëse nga Franca, Rusia, Hungaria e Armenia. Në peshën deri në 53 kg, peshëngritësja jonë Sherjana Ruci zuri vendin e 12-të në stilin e shkëputjes (74 kg) nga 14 sportistë që morrën pjesë dhe të 13-in në shtytje (90 kg), ndërsa në dygarësh të 13-in. Kampione në dygarësh në këtë peshë doli ukrainasja Natalia Trotseko me 197 kg (88+109). 21-vjeçarja Begaj, një artiste cirku, është edhe ikona e re e shtangës shqiptare pas përdhosjes së imazhit të Fetie Kasajt, për shkak të përdorimi të dopingut.

Ajaksi i Amsterdami është vënë në kërkim të portierit të Flamurtarit Shpëtim Moçka, një prej më të dalluarve në këtë sezon të kampionatit shqiptar. Në klubin vlonjat pritet të mbërrijnë pas një muaji emisarë të klubit të famshëm holandez, të cilët kanë dëshirë të provojnë në radhët e tyre talentin vlonjat. Një gjë e tillë është konfirmuar edhe nga vetë portieri Shpëtim Moçka. "Po, është e vërtetë që më ka kërkuar Ajaksi. Filluan të interesohen për mua që pas ndeshjes me Maqedoninë", deklaroi portieri i ekipit kombëtar Shpresa. Pavarësisht se e kërkon një klub i madh i Evropës, ai thotë se për momentin nuk dëshiron të lëvizë, për të krijuar pak më shumë eksperiencë. "Dua të rri edhe dy vjet të tjera në Shqipëri dhe të shkoj në skuadrat kombëtare. Megjithatë, vendos kryetari i bashkisë Shpëtim Gjika", është shprehur më tej portieri vlonjat. Ajaksi është padyshim klubi me Akademinë më të famshme të botës, ku skuadra e parë rrjedh thuajse gjithmonë nga ekipet zinxhirë dhe nuk formohet me futbollistë të blerë me shuma të çmendura. Në të shkuarën, aty është provuar edhe Gjergji Muzaka.

Duket se sulmuesi brazilian, Adriano, ka dëshirë të veshë sa më parë fanellën e Interit, pasi është riaftësuar plotësisht te San Paolo në Brazil. Futbollisti ka bërë të qartë se dëshiron të kthehet në Itali për të vazhduar punën e lënë në mes me zikaltërit, ndonëse nuk ka harruar të thumbojë trajnerin Mançini. "Unë jam shumë mirë, do të kthehem për të bindur trajnerin Mançini që të më aktivizojë përkrah Ibrahimoviç dhe Balotelit, me të cilin flas shumë shpesh. I jam borxhli Moratit, ndaj pres me padurim momentin për të riveshur fanellën e Interit.

Nuk kam asgjë kundër Mançinit, por prisja që të më ndihmonte më shumë në momentet e vështira. Prandeli më kuptonte më shumë, pasi lexonte mendjen time dhe unë i uroj që një ditë të drejtojë Interin. Jam i sigurt që Ronaldo do të kthehet të luajë, ndoshta me Flamengon. Nëse largohet Figo, ne do të na shërbente një lojtar si Diego, i cili ka karakteristika të veçanta dhe di si t‘u shërbejë sulmuesve", tregoi Adriano.

Një nga piketat e para e të rëndësishme, të hedhura për sezonin e ardhshëm, është se, që nga e hëna, FK Tirana do të ketë presidentin në krye. Ky qe vendimi, i marrë në mbledhjen e djeshme nga donatorët e klubi bardheblu, të cilët çuditërisht e patën harruar peshën dhe vlerën e këtij posti. Themi kështu, sepse, kur erdhën në sezonin _04?’05 në krye të klubit, rolin e presidentit ia dhanë një emri të madh të bardhebluve, Fatmir Frashërit, që (drejtoi edhe merkaton) ndërtoi një skuadër të fuqishme, e cila nuk e diskutoi titullin. Një vit më pas hoqën dorë, ndoshta edhe për tërheqjen ende enigmatike të Frashërit, por titulli nuk u arrit të fitohej, teksa u ngushëlluan vetëm me Kupën. Sezonin tjetër u korrigjuan dhe në postin e mbetur bosh u ul deputeti Bamir Topi. Ekuilibri u vendos dhe ekipi siguroi titullin disa javë para përfundimit të kampionatit. Por Topi u detyrua ta linte këtë detyrë onorifike, pasi u zgjodh në postin e Presidentit të Shqipërisë. Pas kësaj, vendi i kreut të klubit mbeti vakant deri në ditën e sotme. Dhe pasojat dihen.....

Cili nga donatorët do të jetë president?

Gjini ka sqaruar se tashmë presidenti i FK Tirana do të jetë me rotacion mes donatorëve. “Afati i qëndrimit të çdo donatori, në krye të presidencës së klubit, do të jetë njëvjeçar” ka thënë Gjini. Por, cili prej tyre do të nisë i pari detyrën e presidentit? Burime jozyrtare thonë për Refik Halilin, të tjerë për Agron Papulin. Gjithsesi, katërshja Ngjela, Nuri, Halili e Papuli, pasi kanë konfirmuar mbështetjen e skuadrës edhe për sezonin e ri futbollistik 2008?2009, kanë rënë dakord që të hënën, në një mbledhje tjetër, të bëjnë të njohur emrin e presidentit, i cili do të jetë njëri prej tyre. Arritja në këtë lloj “qeverisje” ka ardhur, jo vetëm sepse efektshmëria e saj pati qenë provuar, por edhe për shkak të presionit të dashamirësve të skuadrës bardheblu, të cilët kanë kërkuar që në FK Tirana duhet të dëgjohet vetëm një zë. “Respekt kemi për të katër donatorët, që kanë kontribuar jashtëzakonisht për skuadrën, por lidhur me gjithçka, që ka të bëjë me problemet, trajnerin e futbollistët duhet të përgjigjet vetëm një” kanë thënë shumë prej tyre. Madje, gjithnjë sipas tyre, një nga arsyet, që skuadra në këtë sezon mbeti “duarbosh”, ishte mungesa e “njëshit” në klubin bardheblu.

Drejtori i FK Tirana ka prekur edhe çështjen e merkatos. “Puna jonë në këtë drejtim, ? theksoi ai, ? ka nisur që sot (dje), por për momentin emrat e futbollistëve, që priten të vishen bardheblu, mbeten konfidencialë”. Gjithsesi, burime që nuk duan të identifikohen bëjnë me dije se në fokusin e bardhebluve deri tani janë: Osmani e Abilaliaj (Partizani), Allmuça e Abraham (Dinamo), Veliaj (Besa), Llani (Shkumbini), Rizvanolli e Grami (Kastrioti)...

Sipas "DiarioSport", Interi ka filluar tentativat informale për afrimin e sulmuesit të Barcelonës, Tierri Henri. Francezi është bërë pjesë e klubit katalan në verën e kaluar, pas tetë viteve të mrekullueshme tek Arsenali.
Por, paraqitja e Henrit nuk ishte në nivelet e pritura dhe sulmuesi cilësohet si një prej lojtarëve që mund të largohen pas "revolucionit" në prag të sezonit të ri. Më shumë flitej për rikthimin e mundshëm në Premiership, te Çelsi ose Njukasëlli, por nga Italia vijnë zërat se Anxhelo Mario, djali i presidentit Morati, ka pyetur rreth Henrit kur ndodhej në Barcelonë, duke biseduar për Ronaldinjon.
Ndërkohë, francezi ka thënë për gazetën "Le Parisien", se sezonin e ardhshëm, dëshiron të qëndrojë me "blaugranat". "Për sa i përket së ardhmes sime, nuk dëshiroj të largohem. Kam edhe tre vjet kontratë dhe dua të jem sërish te Barça edhe në sezonin tjetër".

Mesfushori shkatërrues i Rabotniçkit, Ertan Demiri ka pranuar se pas përfundimit të ndeshjes finale të Kupës së Maqedonisë, ka pasur një takim me menaxherin e Dinamos nga Tirana, Adrian Aliaj (ish-lojtar i Shqipërisë). "Po jam takuar me menaxherin e Dinamos, Aliajn. Ata më ofruan kushte shumë të mira, mirëpo për momentin unë kam kontratë trevjeçare me Rabotniçkin. I falënderoj drejtuesit e Dinamos që kanë shprehur interesim për mua, megjithatë tash për tash nuk jam lojtar i lirë, prandaj nuk mund të shkojë në Shqipëri", ka deklaruar Demiri, duke shtuar se në të ardhmen ka ambicie të luajë në ndonjë kampionat më të fortë të Evropës, pa përjashtuar edhe Shqipërinë.

Isli Hidi, portieri i Krivbasit në kampionatin ukrainas, njëherësh edhe portieri që luajti në miqësoren e Kombëtares shqiptare në humbjen me Poloninë, është shumë pranë kalimit në kampionatin qipriot. Pas AEL Limasol është Alki që interesohet për ish-portierin e Tiranës. Hidi është lojtar i lirë dhe kostoja e transferimit të tij është zero. Ndërkohë që menaxheri i tij është duke diskutuar kushtet e kontratës me klubin e kategorisë së parë qipriote. Në Qipro luan edhe portieri Arjan Beqaj, mesfushori i majtë, Altin Haxhi, e së fundi edhe Klodian Duro nënshkroi për Omonian. Por sipas menaxherit të tij edhe AEL Limasol, nuk ka hequr dorë nga portieri, kjo edhe për faktin se trajner portierësh në këtë skuadër është pikërisht ish-gardiani nr 1 i ekipit tonë përfaqësues për më shumë se 15 vjet, Foto Strakosha. Ky i fundit vazhdon të ndikojë tek drejtuesit e klubit për të bërë një sforco dhe të marrin portierin e kombëtares shqiptare Isli Hidi në këtë ekip.

Ndërsa Igli Tare do të largohet nga Lacio pas përfundimit të kontratës, dhe kosovari me pasaportë zvicerane Valon Behrami mund të transferohet në Spanjë te Sevilja, një tjetër shqiptar, por edhe me nënshtetësi gjermane, 22-vjeçari Jurgen Gjasula mund të jetë përforcimi i mundshëm në mesfushë i Lacios. Lajmi jepet nga siti italian tuttomercato.it. Trajneri Delio Rosi prej kohësh e ka shprehur interesimin për djaloshin nga Tirana, por që ka luajtur së fundi me zviceranët e St.Gallenit dhe më të cilët ka zgjidhur kontratën. Mesfushori Gjasula, i cili më parë ka refuzuar Kombëtaren e Shqipërisë, zotëron edhe pasaportën gjermane, kështu që te Lacio do të shkojë si një komunitar pa pasur asnjë problem për firmosjen e kontratës dhe aktivizimin e tij në kampionatin italian të futbollit. Futbollisti u përjashtua para përfundimit të kontratës nga drejtuesit e St.Gallen pas kontradiktave të vazhdueshme me trajnerin bullgar të kësaj skuadre, Zvonimir Balakov.

I riu dhe i vetmi sulmues qe deshiron Milanin quhet Emanuel Adebajor. Thuajse kane rene te gjitha alternativat e tjera. “Adebajor dhe asnje tjeter”, ishte pohimi i fundit, qe beri dje Galiani. Kjo forme te shprehur, si nje diktat i vertete, ne realitet ka nje matrice ndryshe. Tekniku Anceloti i ka kerkuar numrit 2 te Milanit, Galiani qe te beje te gjitha sforcimet per te sjellur ne Milanelo sulmuesin togolez. Por nderkohe sherben dhe presingu nga ana e Adebajor ndaj skuadres londineze, qe operacioni i transferimit te futet ne pisten e realizimit konkret. Dje qarkulloi nje leter, qe nxit jo pak fantazine per kete operacion. Firmosur nga Emanuel Adebajor dhe derguar me adresen: “Arsenal dhe per Vengerin”. Sulmuesi togolez per dijeni kete leter ia ka derguar ne dy kopje, Ken Friar, manaxheri i pergjithshem i klubit londinez dhe Adriano Galianit. Ne rrugen Turati, te Milanos kjo leter ka mberritur dje pasdite. I mbeshtetur dhe i inspiruar nga agjentet e tij, Stefan Kurbis dhe Vincenzo Morabito, sulmuesi togolez ka bere shume te qarte pozicionin e tij ndaj tekniku Venger, qe nuk e shkon as neper mend qe te filloje tratativat me Milanit. “I dashur Arsene, shkruhet ne leter, po kerkoje qe te kontaktoje me ju, me te gjitha menyrat, pasi kam nevoje qe te bisedojme. Ky moment eshte shume i rendesishem per karrieren time”. Nje leter qe flet qarte, ku Adebajor ne menyre perfundimtare i mbyll porten Barcelones, pasi eskluzivisht ai deshiron Milanin dhe vetem Milanin.

Ka perfunduar me zhgenjim aventuren ne finalet e evropianit, megjithate mesfushori portugez hedh veshtrimin drejt te ardhmes se tij. “Mundesite per te kaluar te Real Madrid jane shume te medha, deklaroi Kristiano Ronaldo pas humbjes se Portugalise, 2:3 me Gjermanine ne cerekfinalet e evropianit. Por kjo gje nuk varet vetem nga mua”. I pyetur se kishte marre oferte nga kampioni i Spanjes, portugezi 23-vjecar nenvizoi: “Mendoj se po. Megjithate dua te shtoj se asgje nuk eshte e qarte ne kete moment. Ne ditet e ardhshme do te shikojme nese arrihet marreveshja. Tani cdonjeri e di se cfare une dua. Dhe brenda dy-tre ditesh do te mesoni te rene”. Kristiano Ronaldo ben kete pohim befasues, duke iu permbajtur zotimit se per te ardhmen e tij do te fliste pas evropianit dhe ky evropian per Portugaline ka perfunduar. Mesfushori i Mancester Junajtid zbulon se ka luajtur duke ndjere shqetesime ne kembe prej tre muajsh dhe se ka nevoje per nje operacion per te korrigjuar kete difekt. I pyetur nga gazetaret se cila eshte arsyeja e nje largimi te mundshem nga Mancester Junajtid, personal apo sportive, Kristiano Ronaldo u pergjigj: “Personalisht eshte dicka qe une dua, eshte dicka qe une enderroj. Eshte nje enderr, por dhe nje hap perpara… Per mua eshte nje mundesi shume e mire. Ashtu sic ka thene tekniku Skolari, keto mundesi vijne vetem nje here”. Duke nenvizuar se largimi nga Mancester Junajtid mund te jete i veshtire, Kristiano Ronaldo shton: “Megjithate mendoj se eshte nje operacion i kenaqshem per te dy palet”. Nga ana e Realit te Madridit per kete operacion qe mund te jete me intriguesja ne merkaton e transferimeve te veres, pritet prononcimi nga Kristiano Ronaldo, perpara se te fillojne bisedimet me Mancester Junajtid.

Edgar Çani hua te Ascoli


Sulmuesi shqiptar Edgar Çani do te luaj sezonin e ardhshëm te skuadra italiane e Serie B Ascoli Calcio 1898. Çani është pronë e Palermos po nuk ka arritur të gjejë hapësira te skuadra e Serie A, kështu që do të kalojë në formë huaje te Ascoli, një kategori më poshtë, për të pasur mundësi që të luaj më shumë.

Ascoli e kërkonte sulmuesin shqiptar prej disa kohësh dhe në ditët e fundit është arritur më në fund akordi midis dy skuadrave, ku Ascoli do ta ketë Çanin jë vit në hua me të drejtë blerje pas mbarimit të sezonit. Marrëveshja pritet të firmoset dhe të zyrtarizohet sot, ndërsa Çani do ti bashkohet nesër bardhezinjve në hotel Corte del Sole nga ku do të nisen për fazën përgatitore.

Edgar Çani luajti vetëm në një ndeshje në Serie A me Palermon për 17 minuta. Më Parë ai ka luajtur te Pescara në Serie B në 2006/07 dhe në Serie C1 në gjysmën e parë të sezonit të kaluar.

Merkatoja e Apolonise

Ekipi i sapofutur ne ligen superiore Apolonia e Fierit, eshte duke levizur me mjaft kujdes ne merkato. Deri tani ka afruar Aulent Gurin nga Dajti dhe Renaldo Bedinin nga ekipi I Bylis. Guri ka nenshkruar per tre vjet me Apolonine, ndersa Bedini ka bere rokaden me nigerianin Charles Ofoje i cili ka kaluar te fqinjet e Bylisit. Prane nenshkrimit eshte edhe mbrojtesi i majte Ervin Sulejmani, qe vjet ka luajtur me Albpetrolin. Nderkohe qe priten te zbarkojne tre lojtare braziliane te sugjeruar nga dy futbollistet e Apolonise Washington Junior dhe Jean Da Silva

Shqipon Bektashi kerkohet nga Serbet



Shqiptari i parë qe doli kampion i Bundesliga për U 19, Shqipon Bektashi ( SC Freiburg ) , duke e mposhtur si mysafir ekipin vendas te VfL Wolfsburg 2:0-
golin e dytë e shenoj Bektashi.Ai në këtë sezon ka shenuar 7 gola në Kampionat dhe 6 në Kupe ( Ne finale u mposhten me penallti nga Borussia Dortmund ).
Ndeshja është transmetuar live ne DSF dhe ka pasur mbi 3 milion shikues pranë ekranit televiziv dhe ndeshjen e ka bashkëkomentuar Felix Magath- tranjer i VfL Wolfsburg.
Shqiptari me prejardhje nga Presheva, që ka arritur ketë vitë kalimin nga U 17 ne U 19. Pos, që është ne listen e Gjermaneve,- ai ka zgjuar interesimin edhe te Federates se Futbollit te Serbise.

Te nesermen pas ndeshjes, dikush nga Federata Serbe e ka marrë te atin etij Mehmetin dhe i ka kërkuar qe Shqipon dhe vellau i tij Edmondi te bashkangjitet ekipeve te rinjeve te Serbise. Pasi, ata kanë informata se
ata posedojne shtetesine serbe dhe kanë marrur pasaportat ne konzullaten e Shtutgartit. I ati Mehmeti thotë se : " Deshira e ime është qe djemet e mi te luajnë për Shqiperine. Kanë pasur oferta edhe nga Gjermania- qe te dy kanë qene ne grumbullimet e te rinjeve nga ana e DFB-se. Por, ne akoma nuk kemi shtetesine gjermane dhe deshira e ime është qe ata te luajne për Shqiperine. Pasi, unë prej vite kam ble nje shtepi ne Golem dhe ne Presheve , vetem se shkoj per ta vizituar plakun time atje. Une kam dashur me i dergu djemet ne grumbullimin e Shpresave, ku kanë qene dy shoket e tyre- Shpejtim Hysenaj ( Old Boys Basel ) dhe Ylli
Lokaj ( SC Freiburg ). Mirpo, është dashur te paguaj dy bileta dhe per ato momente nuk kam pasur gjendjen e mire per nga ana financiare. Besoj se Shqiperia ka përcjell ndeshjen dhe do kemi fatin qe sa me shpejt te luaj per ta.Por, edhe kordinatori i te rinjeve te SC Freiburg- është ish- tranjeri dhe miku i Joahim Lev. Poashtu, ne jemi larg 2 km prej vendbanimit te Jogi Lev dhe i njeh shumë mirë djemet e mi dhe nuk do jete problem i madh te marrim shtetesine gjermane.Kam deshire te madhe qe ata te veshin ngjyrat kuq e zi. Ne ane tjeter kam frike. Sepse, Labinot Haliti
( LKS Lodz ) është bashkeqytetar i imi dhe me sa di unë, akoma nuk ka luajtur për Shqiperine.Edhe per shkak te deshires se madhe dhe sakrifices qe ka bere."
Se sa me rendesi kanë qene ndeshjet finale për te rinjet ne Bundesliga, tregon fakti se drejtori sportiv te DFB- se ,Matias Sammer- i është ndaluar nga presidenti i DFB- se, qe te vije ne Hotelin e ekipit ne Ascona të Zvicres, pasi ka pasur me zhvilluar nje trening me disa te rinje nga Gjermania dhe me pas të percjell ndeshjen Austri- Gjermani. Ne rast te humbjes, ai do ishte tranjeri i ardheshem i Gjermanise. Ai ka ardhur në Köln dhe ka ndjekur ndeshjen gjysemfinale 1FC Köln-SC Freiburg 2:2. Dhe si pas nje këshilltari te tij, Hrost Hrubesh është shumë i interesuar që Bektashin ta ketë në ekipin e U 18 dhe U 19 te Gjermanise.
Ai me teper shton: " Kjo do ishte një gjë pozitive për Bektashin, pasi me pasaporte gjermane. Ai mund te kaloj me lehtë ne Angli. Sepse, ai është percjellur nga disa scout te ekipeve angleze. Pikerisht, tre klube kanë treguar intersim për Shqiponin. Me pasaporte te Shqiperise apo Serbise- do jetë shume e veshtire për te...
Te shpesojme se FSHF- ja do zgjohet nga gjumi dhe nuk do të dështoj sikur se ka deshtuar tek disa te rinje qe kanë shkelqyer per ekipet e tyre ne U 19 dhe tani, luajne per ekipe profesioniste. Si Valdet Rama ( FC Ingolstadt ), Fisnik Zejnullahu ( Borussia Dortmund ) dhe Andis Shala ( FC Dundee )- te cilet edhe pse u propozuan nga Rudi Vata- as që u perfillen nga specialistet e FSHF- se...

Leotrim Kabashi kalon ne U 19 te Braunschvajg

Lojtari i U 16 te DSC Arminia Bielefeld, Leotrim Kabashi ka bwrw nje ngritje te madhe- duke kaluar ne U 19 te Eintracht Braunschvajg qe garon ne Bundesliga.
Dhe njeherite wshtw lojtari me i ri ne historine e A Jugend ( U 19 ) pwr Bundesliga. Duke e lene pas Nuri Shahin te Borussia Dortmund

Dinamo
Ilirjan Çaushi do te jetë me Dinamon për ndeshjet e Champions League, por nuk përjashtohet mundësia që të firmosë me blutë për sezonin e ardhshëm. Mesfushori luajti pjesën e dytë të sezonit në Durrës, pasi nuk gjeti shumë hapësira te Dinamo. Me Teutën Caushi luajti në 14 ndeshje duke shënuar edhe një gol.

Lushnja
Laert Ndoni ka firmosur për Lushnjen. Mesfushori ka lënë Shkumbinin dhe ka rënë dakort me ofertën e ofruar nga klubi i porsangjitur në Superligë. Mesfushori 24-vjecar ka luajtur dy sezonet e fundit me Shkumbinin duke luajtur në total 58 ndeshje (49 si titullar) por pa shënuar asnjë gol në kampionat.

Elbasani
Nevil Dede mund të vishet përsëri verdheblu. Mbrojtësi tiranas që aktualisht luan në Kinë me Changsha Ginde ka qënë në kontakte me drejtuesit e Elbasanit që kërkojnë ta kenë përsëri në skuadër mbrojtësin me eksperiencë. 32-vjeçari ka luajtur me Elbasanin për dy sezone, atë të 04/05 dhe 05/06 dhe u shpall edhe kampion i Shqipërisë.

Partizani
Orges Shehi, Bledar Devolli, Bledi Shkëmbi dhe Dritan Babamusta janë larguar nga skuadra e Partizanit. Bashkë me ta pritet të largohet së shpejti edhe sulmuesi vlonjat Arbër Abilaliaj. Në provë te të kuqtë është një portier serb, por është afruar dje dhe sulmuesi Përrleshi nga Besëlidhja që pritet të firmsë ditët e ardhshme.

Flamurtari
Goran Vincetic është shumë pranë Flamurtarit. Mesfushori me eksperiencë që u shpall kampion me Dinamon këtë sezon është joshur nga oferta vlonjate dhe nga trajneri i kësaj skuadre që ka të njëjtën kombësi. Mesfushori 32-vjeçar luajti në 28 ndeshje këtë sezon me blutë duke shënuar 4 gola dhe duke dhënë 4 asiste. Më parë ai ka luajtur për NK Medjimurje, NK Rijeka dhe NK Primorje.

Mainz 05 konfirmon zyrtarisht transfertën e Hykës


Në faqen zyrtare të Mainz 05 konfirmohet transferta e fantazistit shqiptar Jahmir Hyka. Sipas kesaj faqe Mainz 05 ka arritur te fitojë garën për marrjen e talentit shqiptar që kërkohej nga shumë skuadra europiane.

Megjithëse Hyka vjen nga KF Tirana, sipas faqes zyrtare te Mainz 05, të drejtat e tij ishin pronë e Olimpik Tirana. Shuma e paguar nga gjermanët për këtë transfertë nuk është bërë publike.

Menaxheri i Mainz 05 Christian Heidel tha "E kemi vëzhguar Hykën në ndeshjen e Shqipërisë kundër Polonisë dhe padyshim që Hyka është një talent i madh. Tani ai është në një ligë më të fortë dhe do ti japim kohën e duhur për të treguar talentin e tij".