Orgazma e femrave vjen nga truri

Studime në trurin e femrave të cilat kanë kërkuar të arrijnë në
orgazëm, kanë zbuluar një formë të re të funksionimit të mendjes dhe
sistemit nervor. Duke skanuar trurin e femrave gjatë stimulimit
seksual, për herë të parë shkencëtarët kanë zbuluar cilat pjesë të
trupit dhe mendjes janë të përfshira në orgazëm. Studimet mund të çojnë
në një zbulim të madh për femrat të cilat vuajnë nga një numër i madh
çrregullimesh seksuale, duke bërë të mundur kontrollimin e dhimbjes së
pacientëve me dëmtim të palcës kurrizore. Shkencëtari Barry Komisaruk
dhe Beverly Whipple kanë vënë re në sajë të studimeve, se femrat të
cilat kanë vuajtur nga dëmtimi i palcës kurrizore kishin ende ndjesi
gjatë marrëdhënies intime ose nxitësve të tjerë seksualë. Madje disa
prej tyre thanë se mund të arrinin në orgazëm. “Kjo është shumë e
mistershme, sepse sipas këndvështrimit tradicional, pas dëmtimit të
palcës kurrizore femrat humbasin krejtësisht ndjesitë e tyre”, thotë
profesori Komisaruk nga universiteti i Rutgers-it. “Gjithashtu, së
fundi, një nënë na ka pohuar se ka mundur të ndjejë goditjet e fëmijës
së saj kur ishte shtatzënë”, shton ai. Instituti Kombëtar i Shëndetit
ka kryer një studim tek femrat të cilat kanë vuajtur nga dëmtimi i
palcës kurrizore.


Testimi
Femrat u monitoruan dhe u testuan në prag të dhimbjes së tyre gjatë
kontaktit vaginal, anal dhe vetë-stimulimit. “Kur testuam këto femra,
zbulova se ato që kishin dëmtime të palcës kurrizore edhe në nivelin më
të lartë, pra në pjesën e sipërme të kurrizit, mund të ndjenin
stimulimin vaginal dhe anal”, vazhdon profesor Komisaruk. “Disa nga
femrat thanë se kishin arritur edhe në orgazëm”, shton ai. Shkencëtarët
ngrenë hipotezën se ka një “kalim” tjetër nga vagina dhe zverku për në
tru: Nervi i vagus-it, i cili drejtohet nga pjesa më e ulët e fijeve
nervore, në palcë, gjatë fundit të kafkës, poshtë qafës, në kraharor
dhe deri tek barku pa përdorur palcën kurrizore. Prova e parë që nervi
shkon në zonën e legenit është dhënë në vitin 1990. Por në këtë fazë
nuk ishte bërë ende e qartë nëse funksiononte edhe për meshkujt. E
vetmja mënyrë për ta zbuluar këtë gjë ishte të bëje trurin këtyre
femrave të imagjinonte dhe të shihej nëse stimulimi i vaginës vinte në
punë palcën.
Kërkimi
Pas kërkimit rezultoi se palca, e cila lidhet me nervin e vagusit, u vu
në punë. “Femrat ishin shumë të gëzuara të dinin se kishte një bazë
shkencore për ndjesitë gjenitale që ato kishin, sepse shumë prej tyre
ishin të shqetësuara nga fakti se pas dëmtimit nuk kishte mundësi të
ndodhte diçka e tillë”, thotë studiuesi. Shumë prej grave as që ishin
përpjekur të shihnin nëse mund t’ia arrinin dhe në laborator ishte hera
e parë që nxiteshin seksualisht që pas shumë vitesh. Ato u habitën nga
fakti që mund të kishin ndjesi seksuale. “Ishte shumë emocionuese të
shihje ato gra tek qanin. Madje disa prej nesh filluan të qanin bashkë
me to, sepse ishte shumë e dhimbshme”, vazhdon studiuesi. Ka ende shumë
gjëra që duhen mësuar për sistemin nervor. Disa nga fijet nervore,
sidomos ato në organet e brendshme, duke përfshirë vaginën dhe mitrën,
janë shumë komplekse. Nuk dihet ende cilat fije nervore duhen ruajtur
për të mbajtur ndjesinë pas një dëmtimi në palcën kurrizore. “Duhet të
pranojmë se për ne shkencëtarët më shumë se 99 për qind e trurit mbetet
e pazbuluar”, përfundon Kamisaruk.


Burimi : TiranaObsever