Felps është një legjendë, fiton dhe medaljen e 8-të

Vizitor

Njerëzor,
shumë njerëzor. Përpara se të ngjitej në podium, Felps nuk i mbante dot
lotët. I emocionuar, ai nuk gjente dot fjalët. Vendosi dorën në zemër
dhe dëgjoi deri në fund himnin amerikan, duke luftuar me emocionet e
forta. Ndodhej shumë pranë Hansenit, që këndonte himnin e tij. Felpsi
qëndroi në heshtje, të cilën e theu më pas me një buzëqeshje.

Tregon
medaljen e artë. Në sytë e tij shkëlqen gëzimi. Pastaj, gjatë xhiros së
nderit përqafon nënën dhe motrën e tij. Me krenari i tregon publikut
flamurin amerikan. Tani Felps është idhulli i amerikanëve, njësoj si
Kobi Brajant apo Lebron Xhejms. Notari amerikan Majkëll Felps thyen
rekordin e Mark Spitz. Ashtu siç edhe ishte parashikuar, ai ka fituar
medaljen e tetë të artë në të njëjtën Olimpiadë. Felps vari në qafë
medaljen e tetë, duke siguruar një vend nderi në historinë e Lojërave
Olimpike. Majkëll Felps është atleti i parë që arrin të fitojë tetë
medalje ari në të njëjtin eveniment. Me fitoren e djeshme, notari ka
mbyllur në mënyrën më të mirë një javë, gjatë së cilës ka thyer disa
rekorde. Ai drejtoi skuadrën amerikane drejt fitores në 4x100. Në Pekin
2008 “Plumbi i Baltimorës” theu në total shtatë rekorde bote dhe u bë
sportisti më i suksesshëm i të gjitha kohërave në olimpiada. Ai numëron
gjithsej 14 medalje ari të fituara. Gara kishte nxitur interesin e të
gjithëve: në tribunë, për të duartrokitur katërshen amerikane, ishte i
pranishëm edhe Kobi Brajant dhe basketbollistët e tjerë amerikanë. Pas
sinjalit të nisjes, Aron Peirsol mori komandën dhe e mbylli në vend të
parë në fraksionin e stilit të shpinës. Pas tij ishte radha e Brendan
Hansen, që në bretkosë stonoi disi dhe u kalua nga japonezi i
jashtëzakonshëm Kitazhima dhe australiani Rikard. Kështu, Felps u nis
në vendin e tretë në stilin flutur. Kontrolloi kundërshtarët në xhiron
e parë dhe në kthim shpërtheu, duke kaluar përpara Fuzhin dhe
Lautershtejn. Ai i dha skuadrës avantazhin përfundimtar, një metër
përpara japonezëve dhe dy metra para australianëve.

Phelps:

“Këta
djem (duke u drejtuar nga shokët e skuadrës) ishin të jashtëzakonshëm.
Gjatë kësaj gare u duk qartë puna e madhe që skuadra jonë bëri dhe
kohezionin që na bashkon. Jam krenar që jam pjesë e kësaj katërsheje.
Ëndërroja që të bëja diçka, të cilën nuk e kishte arritur askush tjetër
më parë në këtë sport. Ia dola mbanë. Megjithatë, pa ndihmën e shokëve
të mi do të kishte qenë e pamundur”, ka thënë mes emocionesh të mëdha
Majkëll Felps. Arritja e tij është përshëndetur edhe nga Mark Spitz.
“Ky ishte një rezultat epik”, theksoi heroi i Mynih ’72 për “Associated
Press”.

» Shqiperia fiton kundra Maltes 3-0
» C'ESHTE DASHURIA?
» KENGA JOTE E PREFERUAR.
» Per se eshte dashuria
» C'eshte jeta??