Kampionati Europian EURO 2008

Gjithcka mbi kampionati Europian EURO 2008

Një masazhator, tre policë, një pronar restoranti, një menaxher spitali, tre mësues, një agjent turizmi dhe dy nëpunës bashkie do të jenë 12 "bilbilat" e EURO 2008. Natyrisht përsa më sipër nuk janë veçse profesionet të ashtuquajtura dytësore ose të përditshmërisë së tyre përkundrejt të arbitruarit në kampionatet dhe kompeticionet më prestigjioze në botën e futbollit.
Gjeografia e arbitrave të EURO 2008 përfshin pak a shumë të gjitha skajet e kontinentit plak, i përfaqësuar si rrallë ndonjëherë nga veriun në jug dhe nga lindja në perëndim nga ekipe dhe gjyqtarë elitë të futbollit evropian dhe jo vetëm të tij. Sllovaku Lubos Mishel, një nga arbitrit më prestigjioz në botë si dhe norvegjezi Tom Henning Ovrebo, janë të vetmit gjyqtarë të cilët nuk bien në kundërshtim me asnjë skuadër dhe në asnjë përballje të mundshme të këtij evropiani, duke parë se as Norvegjia dhe as Sllovakia nuk janë të kualifikuar për në këtë kompeticion. Ndërkohë që dhjetë të tjerët, përveç prezencës së tyre, do të kenë nga pas edhe praninë e skuadrave të shteteve të tyre origjinës në takimet e të cilave natyrisht që nuk do të mund të arbitrojnë. UEFA ka mbledhur në një farë mënyre ajkën e arbitrimit evropian, por edhe për ta ka pasur shpesh herë kontestime si në kampionatet e vendeve të tyre, por edhe në Kupat e Evropës. Mjaft të përmendim që austriaku Konrad Plautz u bë shënjestër kritikash nga mediat dhe drejtuesit e klubeve pas përfundimit të ndeshjes Liverpul-Çelsi në Kupën e Kampioneve. Në disa momente Plautz tregoi një pavendosmëri duke krijuar një farë irritimi tek lojtarët. Për të ardhur më pas te belgu Frank de Bleeckere, i njohur tashmë për nxjerrjen me karton të kuq pa u menduar shumë në Kupën e Kampioneve të Marko Materacit në ndeshjen Liverpul-Inter. Çka më sipër ndikoi shumë në rezultat si dhe në eliminimin e zikaltërve. Ndërkohë që po t'i hyjmë statistikave një lajm disi i rrallë gjen konfirmim. Italiani Roberto Roseti jo vetëm në botërorin "Gjermani 2006" ku mori pjesë, por edhe në këtë evropian rezulton të jetë arbitri më i gjatë me 191 cm e tij. Për të ardhur më pas tek holandezi, Pieter Vink i cili do të mbahet mend tashmë si gjyqtari që drejtoi i pari në "New Wembley Stadium" në 2007 pas rikonstruksionit të këtij impianti madhështor. Por ndër këta bie në sy karriera e gjatë e sllovakut Mishel, i cili është ndër të vetmit që është bërë arbitër ndërkombëtar që në moshën 25-vjeçare. Ai ka qenë edhe një kandidaturë për të drejtuar finalet e Kupës së Shqipërisë Vllaznia-Tirana, por refuzoi në momentet e fundit, duke bërë që drejtuesit e Federatës Shqiptare të Futbollit t'i "luteshin" gjermano-iranianit, Barak Rafati.

Konrad Plautz
Datëlindja: 16.10.1964; Vendlindja: Navis, Austri; Arbitër ndërkombëtar: Që prej 1996; Profesioni: Masazhator në një qendër fitness; Asistentë të tij në EURO 2008: Egon Bereuter dhe Markus Mayr

Frank de Bleeckere
Datëlindja: 01.07.1966; Vendlindja: Oudenaarde, Belgjikë; Arbitër ndërkombëtar: Që prej 1998; Profesioni: Nënpunës; Asistentë të tij në EURO 2008: Peter Hermans dhe Alex Verstraeten

Houard Ueb
Datëlindja: 14.07.1971; Vendlindja: Londër, Angli; Arbitër ndërkombëtar: Që prej 2005; Profesioni: Oficer policie; Asistentë të tij në EURO 2008: Darren Cann dhe Mike Mullarkey

Herbert Fandel
Datëlindja: 09.03.1964; Vendlindja: Kyllburg, Gjermani; Arbitër ndërkombëtar: Që prej 2000; Profesioni: Mësues pianoje; Asistentë të tij në EURO 2008: Carsten Kadach dhe Volker Ëezel

Kyros Vassaras
Datëlindja: 01.02.1966; Vendlindja: Thessaloniki, Greqi; Arbitër ndërkombëtar: Që prej 1998; Profesioni: Agjent turizmi; Asistentë në EURO 2008: Dimitiris Bozartzidis dhe Dimitiris Saraidaris

Roberto Rosetti
Datëlindja: 18.09.1967; Vendlindja: Pecetto Torinese, Itali; Arbitër ndërkombëtar: Që prej 2003; Profesioni: Menaxher spitali në Torino; Asistentë në EURO 2008: Alessandro Griselli dhe Paolo Calcagno

Massimo Busacca
Datëlindja: 06.02.1969; Vendlindja: Bellinzona, Zvicër; Arbitër ndërkombëtar: Që prej 1996; Profesioni: Pronar i një restoranti; Asistentë të tij në EURO 2008: Matthias Arnet dhe Stephane Cuhat

Peter Frojdfeldt
Datëlindja: 14.11.1963; Vendlindja: Eskilstuna, Suedi; Arbitër ndërkombëtar: Që prej 2003; Profesioni: Nënpunës në bashki; Asistentë të tij në EURO 2008: Stefan Ëittberg dhe Henrik Andren

Pieter Vink
Datëlindja: 13.03.1967; Vendlindja: Noordvijkerhout, Holandë; Arbitër ndërkombëtar: Që prej 2004; Profesioni: Oficer policie; Asistentë të tij në EURO 2008: Adriaan Inia dhe Hans Ten Hoove

Tom Henning Ovrebo
Datëlindja: 26.06.1966; Vendlindja: Oslo, Norvegji; Arbitër ndërkombëtar: Që prej 1994; Profesioni: Mësues Fiskulture; Asistentë të tij në EURO 2008: Geir Age Holen dhe Jan Petter Randen

Lubos Michel
Datëlindja: 16.05.1968; Vendlindja: Stropkov, Sllovaki; Arbitër ndërkombëtar: Që prej 1993; Profesioni: Mësues; Asistentë të tij në EURO 2008: Roman Slysko dhe Martin Balko
Manuel Mejuto Gonzalez
Datëlindja: 16.04.1965; Vendlindja: La Felguera, Spanjë; Arbitër ndërkombëtar: Që prej 1999; Profesioni: Roje civile; Asistentë të tij në EURO 2008: Juan Carlos Yuste Jimenez dhe Jesus Calvo Guadamuro

po mire mer, po ne ca me shkrujt ketu, ti i paske thon te gjitha

Holanda jep "leksion futbolli", asnjë kompromis me Rumaninë.Italia fiton 2-0 finalen e Grupit C me Francën dhe kualifikohet në çerekfinalet e Euro 2008, të ndihmuar edhe nga "xhentilesa" e Holandës. "Axurrët" thyejnë tabunë 30-vjeçare me rivalët transalpinë dhe pas dy ndeshjeve zhgënjyese nxjerrin krenarinë në momentin kur ishte më shumë nevoja. Gjithsesi, takimi në "Letzigrund" është ndikuar edhe nga episodet që ishin në disfavor të francezëve: dëmtimi i Riberit, kartoni i kuq i Abidal dhe devijimi fatal i Henri në golin e dytë.

Roberto Donadoni i ka besuar Antonio Kasanos një fanellë titullari, Gatuzo rikthehet në mesfushë, përkrah De Rosit, Perrotës dhe Pirlos. Asnjë ndryshim në mbrojtje, ku janë preferuar të njëjtët lojtarë si në sfidën me Rumaninë. Nga ana tjetër, Domenek bën tre ndryshime nga skuadra që pësoi humbjen rekord (negativ) 4-1 me Holandën, dy prej të cilave në mbrojtje: Klerk zë vendin e Sanjol dhe Turam mbetet në stol, duke i lënë hapësirë Evrasë. Në sulm Benzema fiton një fanellë titullari në garën me Maluda dhe luan përkrah Henri.

Francezët e fillojnë vrullshëm takimin, me Riberi që tenton vetëm pas dy minutave lojë nga distancë e largët, por gjuajtja e tij bllokohet nga Zambrota. Reagimi i "axurrëve" vjen pak çaste më vonë me Luka Tonin, i cili nuk gjen kohën e duhur për të goditur topin. Goditja e parë e Francës në këtë ndeshje vjen vetëm pas 7 minutave, me dëmtimin e Riberit, që largohet nga fusha me barelë. Në vend të tij, Domenek hedh në fushë talentin e Olimpik Marsejës, Samir Nasri. Italianët duken më kërkues në lojën e tyre dhe provojnë me Panuçin, që nga goditje këndi mposht portierin Kupe, por Makelele e largon topin në vijën fatale. Dalja e Riberit u kushton "gjelave" dhe gjuajtjet nga distanca të Benzema e Govu duken shumë pak për një skuadër nënkampione të botës. Në minutën e 24-t vjen episodi që ndryshon fatin e takimit: Toni pengohet në mënyrë të parregullt brenda zonës nga Abidal dhe gjyqtari sllovak, Lubos Mishel, nuk ka dyshime, penallti e karton të kuq për mbrojtësin francez. Ekzekutimin nga pika e bardhë e merr përsipër Pirlo, që nuk gabon, duke kaluar italianët në avantazh. Domenek ndryshon sërish, nga loja largohet Nasri, aktivizimi i të cilit zgjati vetëm 16 minuta dhe në vend të tij hidhet një mbrojtës, Alan Bumsong. Por, në superioritet numerik "axurrët" duken të papërmbajtshëm dhe De Rosi e Toni (në tre momente) mund të dyfishojnë rezultatin. Përpara mbylljes së pjesë së parë provon edhe Groso, që nga goditje dënimi në pozicion të prirët godet shtyllën. Në 45 minutat e dyta të takimit fillojnë me francezët që kërkojnë golin e barazimit, duke shpresuar ende te kualifikimi, por tentativat e Benzema, Henri e Tulalan neutralizohen nga Bufon. Pikërisht në momentin më të mirë të "gjelave", Italia realizon edhe golin e sigurisë. Në të 62-ën, De Rosi ekzekuton me potencë një goditje dënimi në pozicion ballor dhe topi i devijuar pak nga Henri përfundon në rrjetë. Franca provon me forcën e dëshpërimit, pa arritur të rifutet në lojë edhe sepse në portën kundërshtare qëndron Bufon. Në këtë mënyrë Italia kualifikohet dhe tashmë në çerekfinale do të përballet me Spanjën, ndërsa Franca dhe Domenek bëjnë valixhet e kthehen në shtëpi.

Holanda jep "leksion futbolli", asnjë kompromis me Rumaninë


Holanda ka treguar se nuk i trembet asnjë kundërshtari dhe ka hedhur poshtë zërat për tolerim duke fituar edhe me ekipin e dytë përballë Rumanisë. Huntelar dhe Van Persi kanë shënuar në pjesën e dytë dy golat që i kanë dhënë fitoren "tulipanëve", duke nxjerrë jashtë EURO 2008 Rumaninë që kishte barazuar me dy skuadrat e tjera të forta të grupit, Francën dhe Italinë.

Van Basten kishte preferuar të linte jashtë formacionit disa prej titullarëve, por gjithsesi në fushë ishin që nga minuta e parë emra si Van Persi, Roben dhe Huntelar. Kjo bën që Piturka të shfaqet i kujdesshëm, duke i kërkuar skuadrës që të qëndrojë në pritje në minutat e para. Me kalimin e minutave, janë "tulipanët" që shfaqen disa herë rrezikshëm me anë të Van Persit dhe Huntelar, por të dy sulmuesit nuk arrijnë të shënojnë në portën e Lobont. Më pas është edhe Roben që shmang daljen e Lobont, por nuk arrin të dërgojë topin në kuadratin e portës. Nga ana tjetër, Rumania provon të rrezikojë vetëm me iniciativat e Mutu, por fantazisti rumun nuk arrin të vërë asnjëherë në provë realisht portierin e dytë të Holandës, Stekelenburg. Si rrjedhojë, pjesa e parë mbyllet pa gola, por me dominimin territorial të holandezëve të cilët nuk e kanë të vështirë të administrojnë qetësisht lojën duke mos rrezikuar asgjë në prapavijë.

Me kthimin në fushë të dy ekipeve, është Rumania që kërkon më me ngulm të shënojë, por mbrojtja e "tulipanëve" nuk e ka të vështirë të ndalojë çdo tentativë të kundërshtarëve. Për më tepër, ato nuk ngurrojnë të sulmojnë duke përdorur harkimet nga krahët dhe një taktikë e tillë rezulton e vlefshme në minutën e 54-t kur pas një aksioni të Afellai, topi mbërrin në këmbët e Huntelar, i cili nuk gabon duke e dërguar topin në rrjetën e skuadrës rumune për të kaluar Holandën në avantazh. Pritet një reagim i menjëhershëm i Rumanisë dhe Piturka vendos të ndryshojë skemë, duke aktivizuar D. Nikulaen dhe Dikan, për të aplikuar një skemë më ofensive. Por janë përsëri holandezët që krijojnë më shumë raste të rrezikshme, duke luajtur thjesht për "argëtim". Nëse Mutu gabon gjithçka përballë portës kundërshtare në minutën e 83-të, nuk bën të njëjtën gjë Van Persi në minutën e 87-të. Sulmuesi depërton në të majtën dhe me një gjuajtje të pakapshme për Lobont arrin të dyfishojë rezultatin, duke shuar përfundimisht ëndrrën e rumunëve. Skuadra e Piturkës kthehet në shtëpi, ndërsa Holanda do të mësojë sot se kush mes Suedisë dhe Rusisë do të jetë rivalja e saj në çerekfinale.

19 qershor

1. Portugali-Gjermani 20:45

20 qershor

2. Kroaci-Turqi 20:45

21 qershor

3. Holandë-Vendi 2 D 20:45

22 qershor

4. Spanjë-Itali

25 qershor

A. Fituesi 1-Fituesi 2 20:45

26 qershor

B. Fituesi 3-Fituesi 4 20:45

Portugalisë i mungon shkëlqimi dhe mundet 2-3 nga skuadra e Lëv.Gjermania ka qenë skuadra e parë që ka siguruar biletën për në gjysmëfinalet e EURO 2008, pasi ka mundur 3-2 Portugalinë. Skuadra e Lëv ka dominuar në pjesën më të madhe të ndeshjes, duke imponuar lojën e saj për të marrë rezultatin që i duhej për të kaluar në turin tjetër të aktivitetit.

Skolari e kishte filluar këtë ndeshje pa ndryshime në formacionin titullar, ndërsa Gjermania e drejtuar nga zv/trajneri Flik zbret në fushë me një skemë krejtësisht ndryshe. Që nga minuta e parë është Podolski që formon dyshen e sulmit me Klosen, ndërsa në krahët e mesfushës janë Shvajnshtajger me Hitzelshperger. Në qendër të mesfushës, Rolfes zë vendin e Frings të dëmtuar. Loja fillon me ritëm të ulët, pasi të dyja skuadrat përpiqen të kontrollojnë njëra-tjetrën, duke mos lënë shumë hapësira. Megjithatë, janë gjermanët që janë të vendosur më mirë në fushë duke kontrolluar çdo iniciativë të portugezëve dhe duke provuar të depërtojnë nga krahët. Nga një aksion i tillë në minutën e 22-të vjen edhe goli i parë për Gjermaninë. Podolsi shpërthen në të majtën dhe pasimi i tij në qendër gjen Shvajnshtajger, i cili devijon topin në rrjetën e portës së Rikardos. Portugalia pëson tronditje nga ky gol dhe ndëshkohet përsëri pas vetëm 4 minutash. Shvajnshtajger është përsëri protagonist, duke ekzekutuar një goditje dënimi, të cilën Klose me kokë e devijon pas krahëve të Rikardos. 2-0 për Gjermaninë dhe Portugalia përfshihet nga kaosi. Skuadra e Skolarit gabon edhe pasimet më të thjeshta dhe duket se nuk ka forcën e duhur për të rrezikuar portën e Lehman. Por është Kristiano Ronaldo ai që mban gjallë shpresat e skuadrës së tij në minutën e 40-të, duke dhënë një asist perfekt për Nunjo Gomesh që nuk gabon me një gjuajtje që ndalet në rrjetën e portës gjermane. Tashmë portugezët besojnë përsëri te përmbysja dhe Kristiano Ronaldo i afrohet edhe golit të dytë para mbylljes së pjesës së parë, por gjuajtja e tij përfundon jashtë, ngjitur me shtyllën e portës së mbrojtur nga Lehman.
Në fillimin e pjesës së dytë Portugalia shfaqet më agresive që në minutat e para, duke kërkuar të shënojë golin e barazimit. Meireles, Petit, Kristiano Ronaldo dhe Pepe provojnë të gjejnë rrugën e rrjetës, por pa saktësinë e duhur për të vendosur baraspeshën në shifra. Në momentin më të mirë të portugezëve, Gjermania i ndëshkon përsëri falë një goditjeje standarde në minutën e 61-të. Shvajnshtajger harkon saktësisht në zonë një goditje dënimi nga e majta, ndërsa Balak me kokë e dërgon topin në rrjetë, duke e çuar rezultatin në 3-1. Skolari nuk ka çfarë të humbasë më dhe aktivizon Nanin e Helder Postigën për të hedhur tërësisht në sulm skuadrën e tij. Por Lëv udhëzon nga tribuna ndihmësin e tij të mbrojë më shumë në mesfushë, duke aktivizuar Borovskin në vend të Hitzelshperger, ndërsa pak minuta më vonë, Fitz zë vendin e Shvajnshtajger. Portugezët e kanë shumë të vështirë të gjejnë hapësira në prapavijën gjermane, por shpresat e tyre ringjallen në minutën e 87-të pas golit të Helder Postigës. Por asgjë nuk ndryshon deri në vërshëllimën përfundimtare të Frojdfeld, i cili dekreton fitoren 3-2 të Gjermanisë dhe kalimin e kësaj skuadre në gjysmëfinalet e turneut.

Keta jan ca djem nga vlora duke ber tifo per italin

kjo ishte e modhe fare perzotin